单拖伸手党粉岭周街问人攞$200 街坊认得：佢追住我同个朋友成条街｜Juicy叮
2023-11-14 08:10 
一名中年汉近日被粉岭街坊声讨，指不时在街头怀疑伸手向人讨钱，银码介乎2元至200元不等。
楼主早前在地区facebook专页一口气上载4帧红衣男相片，留言提醒「各位街坊银行揿钱嘅时候小心此人，佢一见到有人揿钱就会问人拎$200食饭，已经喺联和墟超过两年，特别夜晚街坊要小心」。
帖文一出即获街坊和应，异口同声指认得此人：「就系佢啦，问过我几次」、「呢个喺（粉岭）联和墟经常出没......」、「呢条友不嬲喺联和墟出晒名」、「佢追住我同个fd（朋友）成条街」、「大家都要小心，此人扮傻就真」、「成日敲人车窗问司机拎钱」。
单拖伸手党逐张睇↓↓↓↓＋ 街坊异口同声回应↓↓↓↓
回应的街坊自爆曾经与对方接触的经历：
•「佢问过我攞2次，一次两蚊，一次$20」、
•「上星期六晚10点几，佢追住我同个fd（朋友）成条街，追到有其他人嘅位置佢先走」、
•「我早几日晏昼啱啱买完嘢揸住银包，佢行埋嚟问我畀几十蚊佢食饭，当时我拖住细仔嗱嗱声走」、
•「有晚街市食完饭等的士，都有人走嚟问我拎$20，我话我帮唔到佢，之后就上咗粉火小巴，但就唔确定系咪佢嚟，夜麻麻睇唔清」、
回应的街坊自爆曾经与对方接触的经历：
•「有次我系联昌街投注站买波，呢条友都走嚟问我有冇$200借畀佢，睇佢个样似系住中途宿舍或者系老同（吸毒者），嗰下都费事理佢，依家联和墟太多外来人，搞到啲治安都好差」、
•「我果日揿钱佢都问我拎钱，吓死，叫佢行远啲，呢啲人咁后生有手有脚都唔去搵钱，千祈唔好畀钱佢，畀得一次佢就日日问人拎钱」。
单拖伸手党逐张睇↓↓↓↓＋ 街坊异口同声回应↓↓↓↓
街坊：仲问我借烟食
有网民指「今日仲问我借烟食」，获楼主回应「之前我未戒烟嘅时候佢都有问过我拎烟食，我同佢讲冇钱就咪Ｘ学人食烟，马会门口地下大把免费嘅」。
有人似乎略知对方底细，指「呢条Ｘ样！叫阿Ｘ！已前送外卖！收外卖钱自己拿！上水都好出名」、「 嗰时好似喺上水ＸＸ」。又有人补充「佢喺银行柜员机隔篱嗰间点心铺，门口坐嗰啲位留意人哋有冇漏嘢就偷」、「还有成日去问人攞钱打机，又成日攞啲饭盒面包问人要唔要，不过问人攞返钱」。
单拖伸手党逐张睇↓↓↓↓＋ 街坊异口同声回应↓↓↓↓
网民：下次唔好再畀钱佢
网民于是重申「下次唔好再畀钱佢啦」、「点解要畀？」、「男人老狗咁后生都唔做嘢去问人攞钱，啲人最好唔好畀惯佢， 咪等佢见以为系人攞钱都要畀佢咁！」。街坊回应指「梗系冇畀佢啦」、「我仲闹佢两蚊都冇呀，你不如唔好做人」。
另有人批评这位「单拖伸手党」食水深，指「食个盅头饭都系$30」、「我自己都唔会无啦啦食餐2旧水饭啦」、「两旧水，我喺街市食个任饮任食火锅都有找」。
骗案相关新闻：
上水ATM机揿钱突被女子死缠：「做乜攞咗我钱！」「屈钱党」新招行骗 事主教咁甩身
骗徒狂发短讯钓水鱼？ 网民4招退敌 爆笑回应自认：我系你诈骗对象
柴湾「春丽」死跟攞钱 街坊：一阵已收咗几旧水 网民爆最新行踪......
「MIRROR」击退「名画党」疯传 港男奇招KO骗徒 网民：好癫！
名画党｜网民人肉追踪 总有一张喺附近 十年前肆虐全港曾入侵澳门台湾
「名画党」出没踩中要赔钱？ 醒目网民教应对妙法免受骗【附「名画」介绍】
「迷晕党」新招诱苦主埋身 大举入侵元朗大埔？事主：过一条马路遇到3个
「催眠党」疑入侵青衣 港爸自动㩒钱奉献 痛失$XXXX（附骗徒5大特徵）
西环变种「呃食党」唔要钱改要ＸＸ 苦主蒙查查破财：我系咪俾人呃咗啊？
疑似骗徒多国语言攀谈 网民睇起：进步咗好有诚意
骗徒手法层出不穷，现在还要熟用多国语言。有网民近日上载怀疑遇上电骗案的手机whatsapp截图，见到疑似骗徒以英文、中文和日文留言，真是世界难捞。
港男出po寻物遇「呃茶钱党」 港男分享智破骗徒经验
----
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应