星8卦｜「笑笑」「乐乐」为争仔出高价搞到反面 「俊俊」吊高卖怕得罪人

「笑笑」一直同「乐乐」好好感情，可能识于微时，彼此相扶持，患难与共。但自从「俊俊」出现之后，两个人的确无以前咁老友，外面嘅人唔多明白，以为佢哋疏远系因为太红太忙。

「笑笑」一向急性发男人寒，对「俊俊」生滋猫入眼，「乐乐」就唔锺意女人，同「笑笑」以姊妹相称，各自沟仔仲互相交换心得，好好感情。偏偏「俊俊」系两边都啱，而且刚冒起，所以就好等钱使，知道「笑笑」对自己生滋猫入眼，亦都无所谓，「笑笑」认真到安排好多合作机会，畀对方搵真银。

「乐乐」就简单啲，知佢去旅行都搵埋Gay Bar开心，索性好坦白同佢讲自己有意思包养，如果做到男朋友就更合心意。两个人各自出招都唔系问题，最衰系俾对方知道自己嘅心事，即系好明显正面争仔啦，「笑笑」份人都好胜心强，所以一直出高价又话畀「俊俊」听自己势力有几大。

「乐乐」就觉得自己唔使争都一定等到「俊俊」投怀送抱，因为知佢心底嘅真正所爱嘛。呢场角力赛至今仍然未分胜负，不过「俊俊」好聪明咁唔表态，得罪边个都系死路一条！

 

相关文章：

星8卦｜「标致」迫「阿叔」攞名份失败 转沟「西哥」玩激将法

星8卦｜「排骨」做戏当副业 提升知名度为方便搵老细赚真银

星8卦｜「巴闭」欠债被告 情愿使律师费坚持唔找数

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow