东张西望丨揭秘何太追求何伯4大手法！每日煲汤焗花旗蔘水 认识第一日即求介绍男人
2024-05-14 20:35 
TVB《东张西望》报道76岁何伯与年轻逾30年的何太闪电再婚故事，引起全城关注。昨日播出的访问，何伯与何太为网民言论大反击，何伯狂轰网民是「疯狗」，还自认清醒说：「边个女人呃我，我一定睇得通！」今日（14日）《东张西望》播出的访问，何太反击街市档主指她处心积累送上「迷汤」，「寻找猎物」。
相关阅读：翁静晶剖析76岁何伯事件？推翻承继并非易事 《东张西望》访问片是最好证据
东张西望丨何太被爆追求何伯手法？
街市档主赞何伯心地善良
76岁何伯与新何太在屯门屋邨街市相识，今日《东张西望》访问街市报纸档的陈生陈太，还原何伯与新何太的相识经过。陈生陈太指何伯为人疏爽，经常会请人食饭。陈太指：「阿伯（何伯）成日企喺报纸档门口，同人哋吹水，打发时间，每日都留6至8个钟先返屋企。」陈生亦指：「一嚟就喺报纸档买份报纸，好似晨运咁，行来行去同人打招呼、倾偈。」陈生与陈太亦大赞何伯为人健谈、心地善良：「佢对我哋两个都好好。」
何太第一日已问何伯关系
陈生与陈太指当时新何太到街市摆临时摊档：「卖花胶、海味、花旗蔘，啱啱喺正报纸档对面，摆15日，最后嗰日系年三十晚。」陈生与陈太直言何太到街市已周围跟人说：「离婚五年，同阿伯讲想搵个男人，问有冇男人介绍畀佢，跟住就话自己有个18岁仔。」陈太更表示，何太第一日就问何伯跟她是甚么关系：「畀人嘅感觉，系咪父女嗰啲，咁我唔知啦，可能倾无谓嘢。」
何太第三日已经煲汤
陈生陈太表示在第一日已经劝何伯：「第一日都劝佢小心啲，点解呢个人会讲自己呢啲嘢出嚟搵男人。第三日煲汤，我同佢讲『唉啊！你唔好饮啦！』。」陈太更表示当时何伯显得非常开心：「仲话有人蔘、花胶、鲍鱼，你都饮啦，系咁叫我饮。我话我唔饮，人哋煲畀你嘅，但系你都唔好饮啦，识咗人几耐啊！」
相关阅读：东张西望丨梁敏巧被何伯摸大髀？ 容羡媛转发一图关注何伯婚姻状况
东张西望丨何太大再晒流星锤大龙凤鈪！
何太每日焗花旗蔘水
陈太续指何太每日焗花旗蔘水、果皮水给何伯：「日日都有一壶畀佢，跟住佢哋互相买饭食，同埋剥定个橙畀佢，剥晒皮㗎喇！」陈生更直言：「以我男人讲度嚟讲，已经知出事啦，你识咗人几多日啊？第二日就煲汤畀佢饮。我睇夜晚档多，佢（何伯）通常5、6点返屋企煮饭，自从嗰个女人来开档，我问『何伯你仲唔走』，佢话『佢（何太）叫我等埋佢行返屋企。』我话『你自己谂喇！』」
何太每日叫何伯等收工
陈生续言：「我哋唔系唔想佢好，有个女人照顾佢，我哋都唔知几开心啦；但无奈，我真系见到个女人摆明呃你，我都同佢好多次，佢话『唔系啲咁样嘅人』。」陈太表示当时何太摆档15日，她劝足何伯15日：「隔篱摆档、打工嘅都劝过佢，半个街市都劝过佢，话『小心啲，呢个女人唔简单，可能呃钱㗎』，日日见佢黐住佢返工放工食饭，同埋啲对话，话做佢个女、老婆。」陈太指当时何伯喜欢与街市的人分享，因而街市的人都纷纷劝他：「唔好跟住佢喇，惊佢呃你钱，点会嚟几日就想做你老婆。」
相关阅读：东张西望丨何伯自认清醒「边个女人呃我，我一定睇得通」 何太强调注重名声：邪不能胜正
档主苦劝：唉……醒吓啦！
陈生与陈太最后更隔空向陈伯喊话，陈太表示：「何伯，其实我要讲嘅嘢呢，个女人摆档15日，劝足你15日，但系你唔听我话。」陈生则说：「虽然我两公婆唔系识你太耐，但日日都见到几个钟，你又当我哋好似啲仔女咁。我都唔想你为咗个女人，搞到屋企咁，几个仔女又唔系对你唔好，何必要搞到咁呢？啱唔啱？唉……有时都……醒吓啦！」
另外，陈太又爆街市的发型师与何太互加微信：「佢（发型师）话梗系唔畀电话佢，畀老婆知，点算啊，微信就是旦啦。」发型师接受《东张》访问，直言：「我唔系懵，睇人咁多，一睇佢讲嘢就知佢钓梗鱼！」
其他文章：
东张西望丨何太为珠宝名牌袋解画！再晒何伯所赠10万元流星锤龙凤鈪 梁敏巧睇到哗哗声
东张西望丨何太突转口风为应付生计已变卖流星锤龙凤鈪 网民质疑前言不对后语
东张西望丨疑似何伯子女公开宣战拒养后母？「新何太」隔空反击：钱一定拿回来
东张西望丨何伯夫妇「全副武装」逛街市共度患难不忘煲汤？ 网民关心边个畀钱
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应