星8卦丨「才女」最爱人夫 遇「激进」大打出手吓到「大哥」「才子」避走
2024-06-21 11:30 
「才女」 都叫做系出名门，斗靓期间已经被睇好，唔少幕后人都锺意畀机会佢做二线头，做女一佢又未够班嘅！「才女」幕前系可以发展，但佢偏偏锺意同唔同嘅已婚男士搞埋一堆 。
相关阅读：星8卦丨男人爱后生女帮忙传宗接代 导演一二号弃糟糠一齐做老豆
最错系同「激进」开心过后，对方一直唔放过佢，死纒烂打，「激进」系有才气，但性格绝对唔啱「才女」，大家一夜情玩吓咪算罗，点知「激进」好认真咁话畀全世界听两个人系男女朋友。同时期「才女」又去搞文化界「才子」，人哋有老婆，佢就话锺意大家唔驶负责任，「才子」梗系风流，佢有女明星倒追，不知几开心，屋企嗰个好简单，你识路返屋企就得，其他无所谓。
然后佢又锺意咗制服界「大哥」，又系第三者，仲要横风横雨喺人屋企楼下等门，吓到「大哥」以为撞鬼，于是怕咗佢要避到有一排出国，惊佢会做啲乜嘢唔理性行为。其实「才女」同「激进」好登对，大家都咁癫，所以有段时间两个人又喺返埋一齐，但太似嘅人只会互相伤害，后嚟因为「才女」同「激进」大打出手畀人知至真正分开。总之「才女」嘅情史精彩过佢打拚事业一百倍，最近佢又昅中艺术界一位精英，谂住点样拆散人哋开心做第三者嘞！
其他文章：
星8卦丨「秃头」样丑但识氹女「长面」唔够「妹妹」争输得好失礼
星8卦｜「清秀」痴恋「导演」被赶出门口 错爱「伪君子」被骗身家
星8卦｜「高瘦」被阿妈逼嫁入豪门 奶奶自出自入无私隐搞到情绪病
星8卦｜「霸姐」食尽小鲜肉想定落嚟 招惹「扮嘢」痴恋唔敢落叠
關鍵字
最新回应