39岁林德信爆老窦林子祥陈年温馨凑仔史要求带埋结他入产房唱住歌陪老婆生B丨独家

2024-07-08 07:00

去年11月，39岁林德信（Alex）与拍拖5年多的圈外女友Candace结婚，囡囡林明于3月出世。呢位新手爸爸自夸凑女有一手，讲囡囡更讲到唔停口，笑言一直有自弹自唱畀个女听至出世一刻，他更梦想囡囡长大后可以跟老窦林子祥三代同堂齐jam歌。采访：杜杜摄影：谭志光发型:Henry Ho@Misalon 化妆:Kikoko 服饰:HOMME PLISSE ISSEY MIYAKE(Alex)、ISSEY MIYAKW(嘉嘉)、 Emporio Armani、Fossil、Watch Station 场地:Artisan Studio

Alex讲起囡囡就好兴奋，好乐意分享凑女点滴。

Alex和嘉嘉除了倾音乐，更不时倾凑女话题。

嘉嘉认为有音乐陪伴成长，会是很幸福的事。

Alex最近跟郑嘉嘉合唱新歌《Drifting in Hyperspace(超空间) 》，合作源于曾在活动中邀请嘉嘉做乐手，后者主动将他的旧歌《爱的理由》改编，「因为太锺意出咗先，《Hyperspace》就系觉得嗰次攞个平衡几好，攞啲pop嘅歌加强个底，电子啲跳舞啲。」作为音乐人，嘉嘉谓当日忍不住要主动改歌，「嗰个场合，如果唱啲pop rock嘅嘢会好奇怪，全部玩电子，我咪同佢讲不如改编你首歌啦！」

《Drifting in Hyperspace(超空间) 》MV切合歌曲怀旧曲风，Alex称是意外，「去到个Club先知VIP房用怀旧装修。」

Alex为新歌排舞，经常被排舞师取笑生硬。

自弹自唱畀囡囡听

作为新手爸爸，Alex坦认最难是帮囡囡冲凉，其他就难佢唔到，「我试过1、2次，要冲多啲唔熟手，论论尽尽咁。」至于换片、喂奶、扫风？自称喂奶喂到颈都歪的他称OK，更得戚畀个like自己。Alex希望囡囡跟他一样热爱音乐，因有感音乐对他影响好大，「好细个锺意音乐，去到大学发觉识写歌，对我嘅成长同自信心系好大影响，未写歌前个人好迷失，冇乜方向感，写歌后畀到我自信心。」

去年11月，Alex跟圈外人Candace低调结婚。

今年5月，Alex宣布2个月前已荣升爸爸。

Alex为令囡囡爱上音乐，早在太太Candace陀BB时已不停自弹自唱，「我有个好mini嘅木结他，夜晚瞓唔着就弹，来来去去都系嗰啲中英文歌，自己歌都有，会弹《Magic》，仲有写畀公公婆婆嘅歌，同埋新歌《爱到发烧》。」为令囡囡出生时便接触到音乐，他更向接生医生提出特别要求，「畀我弹结他同唱歌畀佢听，我每次弹结他唱歌，陀住BB嘅太太话觉得baby好安静，我哋有个谂法，佢第1吓接触嗰个声系我弹嘅歌，唔知呢个记忆对佢将来会唔会有影响？！」

太太Candace陀BB时，Alex已经常自弹自唱畀囡囡听。

囡囡一听歌就唔喊

囡囡得3个几月大，Alex已觉得她对音乐有反应，「有次我整紧《爱到发烧》嘅mix，baby喊紧，佢听到即刻唔喊罗！」而他最爱自弹自唱𠱁囡囡瞓，「发觉越简单越好，喺度试紧催眠嘅歌，通常用一句系咁重复。」讲到父亲节时，他将囡囡放在结他上弹奏，他笑言是抄网片，「睇ig啲片见到有人咁做，BB会听到成个结他嘅震动，估唔到一摆佢落去佢就好定，即刻好似好舒服咁。」虽然囡囡仲细，他已计划将来安排囡囡学弹琴，跟爸爸林子祥当年一样，「佢有要我哋跟老师学弹琴，去到好大个，我第1次同佢讲我有写自己歌，佢叫我弹畀佢听吓，我弹咗啲歌佢觉得好得意，又会分享吓佢嗰排写咗啲咩歌，系好开心。」

上月跟囡囡度过首个父亲节，Alex抄网片将囡囡放在结他上弹。

Alex已计划和嘉嘉继续合作，但不忘为囡囡创作，「但都有写畀爹哋，由baby启发到我，搵到灵感。我影《最爱》封套应该系1岁，冇记错只碟系1986年出，我计过爹哋生我时应该系38岁，我生我baby都系38岁，真系好桥。」提议他不如三代同堂一齐影封套，他笑言：「我肯，但爹哋又要参与我嘅碟。」另外他有个梦想就是一家人出歌，「系讲全家包埋阿妹，但首先系好难约罗！（会唔会公开？）睇吓夹得开唔开心先，夹得开心就同大家分享。」