星8卦丨「痴情」媾女上瘾阿妈出招拣 识做新抱一家和睦
2024-11-19 11:30 
「痴情」确实太过多情，想媾边件靓女都冇难度，连佢嗰位思想开放嘅妈妈，都顶唔顺开声话应该要停落嚟，搵返个正经人家啦！问题系「痴情」对每一个都系认真嘅，除咗嗰次锺意错「飞女」畀人笑到面黄。
相关阅读：星8卦丨「媳妇仔」卖惨其实最阴湿 细佬冇陪饭被KO懵然不知
「飞女」平时唔出声，亦系姊妹群中最女仔，最讨喜，但佢自细就唔锺意男仔，全世界都知，系「痴情」完全唔知情。「痴情」又衰嘅，恃住自己红就疯狂力追，唔识出去收下风对方系乜料，讲真你咁红「飞女」梗系唔会得罪你，仲借啲意利用佢嘅知名度帮自己再上一层楼。
经过呢次打击之后，「痴情」都冇话收敛下，反而换画换得更多更密。总之高瘦留长发嘅都系佢力追嘅对象，又唔知点解喺夜店识到「大眼」，两个人一挞即着，最劲系「大眼」同开放阿妈好啱倾，冧到阿妈当佢系女咁亲近，于是「痴情」乐于有人照顾长辈，自己继续喺出面鬼混。
最后令「痴情」停落嚟系因为阿妈出招，逼佢同「大眼」结婚，仲出到经济封锁嚟吓「痴情」乖乖娶老婆，结果阿妈娶到心抱又凑到孙。「痴情」近年表面真系好生性，不过久唔久 会出去搵啲无知名度嘅妹妹仔开心下，「大眼」志在泊到好码头，仲帮手做埋戏，明白聪明女人要只眼开只眼闭，识路返屋企咪得罗！
其他文章：
星8卦丨「组织」出街食饭成日搵着数俾人唱 单独各自各又变正常人
星8卦丨「姣精」害「直男」形象全毁 正牌炮友「咸湿」偷笑甩身
關鍵字
最新回应