臥底警供稱田雞東揚言「區區放火」

（星島日報報道）警方2016年至2017年臥底行動中，元朗區議員、外號「田雞東」的鄧勵東等7男被捕，7人涉在元朗某芬蘭浴室自稱三合會及以三合會社團成員身分行事。7男否認聲稱是三合會社團成員等11罪，昨於區域法院續審。臥底警員供稱，在芬蘭浴室內聽到鄧勵東抱怨，稱「唉，依家擺酒呀、天后誕呀、度度都係差佬，又影相又登記搞到少人嚟。」

案中7名被告胡學霖、張銓漢、元朗區議員「田雞東」鄧勵東、郭贊財、文冠榮、黃繹維、張允耀。臥底警員任延峰昨續出庭作供。任供稱，2017年5月1日凌晨，他在銀湖芬蘭浴室的水池範圍做接待時，見到鄧勵東和1名為「雀仔李」的男客人在一起。期間鄧抱怨四處都是警察，令酒席較少人出席，雀仔李亦指「係囉，打黑嘛，以前邊有㗎。」
「睇吓拉得邊個」

鄧勵東稱，「打咩黑吖，18區都有我廈村冧把啲人呀，我區區放火睇吓啲差佬拉得邊個。」

任續供稱，同年6月15日晚上他當時在銀城聽到1名為「高佬文」的男客人對外號「囝囝」的張銓漢指「咁耐唔見你嘅」，張銓漢表示自己不想出來，稱「呢排太亂，又打交又斬人，咁嗰邊勝和我話事架嘛，咁逼住我要出嚟啦。」又指「個個出嚟斬人就要我畀個場佢做，就算畀你做，都唔好諗住自己袋晒先得㗎。」

任又指，當時張銓漢說「要打交，我一個電話呀，隨時叫到一百幾十個勝和兄弟出嚟啦，出咗事傾得掂最好啦，打交影響到我㗎嘛。」高佬文又問「想自己袋晒？」張銓漢則表示「1個場10萬生意袋兩萬好好㗎啦，要諗下遲啲做十個場有廿萬啦，要咁計㗎嘛。」

7人分別被控於2016年至2017年，在元朗合益路合益中心地庫「銀湖芬蘭浴室」，聲稱是三合會社團的成員或幹事，以三合會社團成員身分行事。臥底警員任延峰昨完成主問，預料辯方今起展開盤問。  

案件編號：DCCC 140、620/2019