協調會提必須有「共同綱領」去否決財案

（星島日報報道）民主派47人參與「35+」初選，涉嫌爭取立法會過半無差別否決財案被控，16人否認串謀顛覆國家政權罪。案件昨在西九龍法院續審。副刑事檢控專員萬德豪引述民動總幹事黎敬輝會後做的會議筆記，當中提到「必須有共同綱領」，又指「共同綱領原則是否決財政預算案，逼政府解散立法會，今次任期可能只有7個月」，趙家賢確認內容一致。  
副刑事檢控專員萬德豪引述同日戴耀廷文章《攬炒的定義和時間》，內文指財政預算案一般於5月初表決，如拒絕通過特首可以解散立法會，「故最早出現解散立法會的時機，就是新一屆立法會會期開始後大概7個多月。」趙家賢複述戴會上曾解釋「我嘅意思想用《基本法》賦予立法會嘅權力要去否決財政預算案，而呢個先至係一個籌碼同中共去談判，所以佢再講大家當選嘅話預咗做得7個月㗎咋」。
起醫院學校撥款都反對？

趙家賢續憶述「當時戴耀廷有講過話，如果大家做協調嘅話，可能做民調或初選，大家都應該要有個共同綱領，佢會收集大家意見幫手起草，然後個別發送畀有關人士。當中講到戴耀廷提倡『積極運用《基本法》賦予立法會權力否決財政預算案』，有帶出呢個方向」。

趙家賢回想當時有部分傳統泛民主派政黨表示疑慮，「難道起醫院起學校撥款都反對？」會議隨即「開始有少少火花」，「咁我就係好記得，本案嘅被告之一鄒家成，佢就對於傳統民主派呢啲顧慮呢，作出好強烈嘅批評。佢覺得個民意就係要選到抗爭人士入立法會，要用盡方法逼政府回應五大訴求，咁所以個字眼上應該更進取，係『會否決』」。

趙家賢指，2020年4月23日新西第一次協調會議上「戴耀廷有講過整個民意都係要要求運用否決權逼政府回應五大訴求，本土抗爭派同傳統民主派就住個議題喺度拉扯」。
陳官形容如拔河  趙認同

被問到會上就否決財案一事是否未有共識，趙家賢交代會上傳統民主派政黨曾表達擔憂，惟戴觀點亦有同道，當時雙方仍在協調中，《國安法》指定法官陳仲衡形容情況如拔河，趙即指陳官形容得「好準確」。

會後戴發出新西協調機制初稿，上載有「會積極運用基本法賦予立法會的權力」，同時戴也表明「唔係大家最想見到嘅方案」，趙家賢認為「佢作為會議協調人，佢挨向咗推動運用《基本法》畀立法會否決權呢個方向」，傾向本土抗爭派，沒有釐清政團關注但已在初稿中加入否決財案條款。
指戴煽動文章 看到好火滾

趙家賢認為，在當時協調會議的階段，就否決財案一事上，「唔同民主派唔同政治光譜係有好支持呢種做法嘅，傳統民主派就係有好多疑問喺當中」，然而「戴耀廷喺協調時候，佢寫一啲咁樣煽動性同埋好似預言家嘅文章」，揚言民主派若能立會過半就會否決財政預算案，趙直指「整段呢啲訊息根本佢無獲得任何清楚明確嘅授權，我而家第一次睇到，我睇到呢啲字眼我係好火滾！」

案件編號：HCCC69/2022