著名形象指導張學潤內地離世

（星島日報報道）香港60年代球王張子岱兒子、著名形象指導張學潤（Nel Nel）昨日驚傳在內地離世，終年59歲。其好友肥媽（Maria Cordero）接受《星島頭條》電話訪問，講到張學潤的死訊，肥媽哽咽表示：「我收到消息時都好Shock（震驚），聽聞佢燒炭。」
肥媽：聽聞佢燒炭

肥媽指已一年沒見到張學潤，只知道對方到內地開抖音平台，她聽聞是收不到錢所致，細節還未能確認，「我好唔開心呀！佢細佬都喊到癲，而家要睇佢屋企人意願，我哋朋友就Stand by，有咩事搵我哋一定幫手。」肥媽哭說，一年前與Nel Nel見面時，當時邀請對方在網上平台合作：「平台係我嘅，佢見賺到錢，後來就去開抖音，我都冇抖音平台，可能佢想有自己平台啦，他帶狗狗開直播節目，我聽聞都做得唔錯，但又收唔到錢。」

肥媽坦言「因為忙呢一年都冇聯絡，聽講佢係財困，我都唔知點解佢成日做嘢都收唔到錢嘅，好可惜。」她歎息說：「唉，錢係咩唧！咁多年來，佢一唔掂就打畀我，我實同佢搞掂，我畀完錢，仲同佢搵嘢做，可能今次唔好意思同我講。」