樂●活｜童心滿瀉

名牌、潮牌好多人都追，但以卡通、動漫角色為主角嘅周邊商品向來亦有唔少捧場客。

罐頭豬Lulu嘅Fans就要準備好聽日搶貨喇！OK便利店夥拍本地手機配件品牌 XPower推出一系列外觀與功能性並重嘅數碼產品！由聽日（9月29日）至10月26日一系列罐頭豬Lulu產品可透過OK齊齊印App 智易買平台訂購，可自由選擇OK便利店分店取貨。產品包括電話外置充電器、智能充電脂肪磅、USB噴霧加濕器、磁吸主動式電容觸控筆，每款均印有趣萌罐頭豬Lulu圖案，時刻帶來快樂童趣。

至於7仔預購就準備了一系列小熊維尼家電及電子用品，包括小熊維尼無線鍵盤、無線滑鼠、2合1鏡面時鐘及無線吸塵器。除咗小熊維尼，仲有有KAKAO FRIENDS、LINE FRIENDS minini陶瓷砂鍋，及勞蘇地毯、勞蘇圍裙隔熱墊套裝等。7仔預購更為輕鬆小熊迷帶來表情造型陶瓷煲、小白熊與士多啤梨貓系列縮骨遮及成人立體口罩。即日起至10月4日可以7仔預購訂購。

作者：Laurie Wu（愛保健愛旅遊愛購物的熟女）
[email protected]