呂麗君晉環「撻訂貨」大平賣內地專才2,780萬承接「先免後徵」慳3球稅

2024-01-25 14:29

華置前主席「大劉」劉鑾雄前女友呂麗君（現名呂姵霖）三年前以約1.4億元買入晉環共4伙豪宅單位，其中3個單位先後撻訂告終，殺訂料過千萬。市場消息指，其中一伙發展商日前以2,780萬元售出，賣平兩成重新沽出的單位，由內地專才承接，由於享「先免後徵」慳近300萬元稅款。

連掃晉環大劉形容「豬頭炳」

該單位為路勁地產（1098）旗下黃竹坑港島南岸晉環1B座39樓A室，實用面積919平方呎，屬於3房間隔。呂麗君於2021年5月份以3,483.9萬元購入該單位，惟去年12月撻訂離場。3伙料合共被殺訂約1051萬元。
事實上，「大劉」去年11月記者會上曾指呂麗君大手入市晉環豪宅是蠢的行為，因為首期僅付10%，另外又付15%稅予政府，預期難以完成交易，更形容是「豬頭炳」。

重溫大劉記者會：

大劉上周開記者會，句句劍指呂麗君。

大劉記者會吸引多間媒體採訪。

現場有工作人員派口罩。

全部記者均戴上口罩。

1. 談恆大許家印：「我從來冇嬲佢，我係嬲我自己，因為我老婆同佢家姐講過不下200次，叫我賣啦賣啦，我話我賣先佢一定X街，快得過佢應該要X街。」

2. 談有人拿民事傳票給他：「我見壞人都見唔少，但咁X賤咁X壞嘅人，都係第一次見。」此時有記者問：「壞過凱婷？」大劉顯得有點一頭無緒：「吓？壞過咩？咩凱婷？」記者解釋是潮語，意指好壞嘅女仔，大劉說：「我唔知，真係唔識呢啲嘢，我呢啲又老又out，而家識喇，但我都唔知咩意思。」

3. 談「賤人」變壞之前有否勸籲對方：「梗係有，但係有用咩？唉……我淨係講佢全家都係納米型、納米型嘅賊仔，全家。」

4. 談會否分身家給「某啲賤人」：「賤人梗係唔會啦！你呢個問題都有少少問題啦！我長命一萬歲都冇機會啦！佢實破產㗎！貪到死，乜嘢都要借。」

5. 談對方蝕得最多投資：「佢以前同我講倫敦買咗啲物業返嚟，全部都係作出嚟！我而家夠話美國白宮都係我負責起㗎，任我吹，你信唔信吖？我而家想呃你啊，靚女，你想住倫敦白金漢宮，定華盛頓嘅白宮？你信唔信吖？我諗全世界1萬個有錢佬都買唔到呢兩棟物業。佢講大話唔使眨眼，出口成詩㗎！」

6. 談子女知否母親所作所為：「I really don't know！我真係唔知，佢好識洗腦㗎……一支牙膏、一張單都claim3次，呢句說話我作出嚟嘅話，我絕子絕孫，七個仔女養唔大啊！」

7. 談最近一個月有否改遺囑：「佢唔止牙膏claim三次，喺超級市場地下啲單，佢都執嚟claim，你估我唔知咩？……佢最擅長係點呢？買咗個名牌袋之後，平價賣返出街。我記得40幾年前去夜總會，啲舞女最鍾意搵老襯。5千蚊買日本時裝，我就收返4千蚊現金，時裝舖就剩袋1千，40年前好興呢啲嘢㗎。」

8. 談對方子女已長大會否獨自生活：「你問得真係好，我真係想擁抱你，唔係想非禮你啊。」

9. 談有人投資失利：「買埋啲Accumulator，I'll kill you later！」

10. 談有人去新加坡招搖撞騙：「我夠可以喺電視同拜登合照、P圖話佢企喺我隔籬啦！以前台灣有套電影叫《養鴨人家》，你知唔知鴨同鵝分別，鴨只係做女人生意，鵝就男又做女又做。呢啲係佢嘅私生活佢嘅事，唔關我事。」

非港人及非專才需付15％印花稅

是次新買家為內地專才，享有去年施政報告所推出的「先免後徵」優惠，即容許人才買樓後申請暫免繳付印花稅。是次繳付約118萬元的稅款，佔樓價約4.25%，反映以首置稅率繳稅。

若買家僅為一般內地客，沒有香港身份證及並非認可專才，在港買樓需要付買家印花稅（BSD）以及新住宅印花稅（NRSD），政府去年施政報告將此兩項印花稅稅率調整至各7.5%，故大陸人在港置業就需要合共支付15％印花稅。在需要繳付樓價15%的辣招稅下，涉稅預計約417萬元，今次買賣成功省下約300萬元稅款。