乐●活｜寻美食一字记之曰：鲜

锺意四围搵食，或者热爱烹饪嘅朋友都一定知道不时不食、寻鲜吃鲜嘅重要，皆因食材本新鲜，所烹调出来嘅食物可以话有一定保证。要食得够鲜，以香港本地出产嘅食材入馔，相信就去新鲜不过！

香港有唔少本地农耕者与渔民一直坚持本地耕种嘅信念，用心种植健康、味道鲜美嘅食材。美心中菜带最近推出全新「寻鲜吃鲜」系列，其中包括各有特色的粤菜、潮菜及外省菜，以严选本地农场与渔场时令、新鲜食材入馔，并搭配大厨嘅心思与手艺，既凸显各地区菜系嘅特点，又能将本地食材的鲜味发挥得淋漓尽致，带来每一口都是鲜味嘅菜肴。

粤菜注重质与味、不时不食、带出食材鲜味，美心中菜嘅粤菜主厨就将来自本地养殖嘅乌头，化身成脆炸柠檬本地乌头及凤脂花雕蒸本地乌头。前者受西柠鸡启发而演化，入口软嫩酥香；后者则利用花雕嘅醇香提升乌头鱼嘅鲜味，配合蒸蛋，蒸前更在乌头铺上鸡油块，令整道菜肴有层次，鱼肉香嫩。为方便客人进食，大厨特意先起骨才下锅，让客人轻松吃到「啖啖鱼肉」。

至于潮菜就着重配酱调味，以不同的酱料炮制不同食材，做到原汁原味。美心潮菜主厨就利用以脂肪少、骨胶原高及肉质嫩滑驰名嘅嘉美鸡，搭配豆酱入馔烹调出嫩滑咸香嘅砂锅豆酱嘉美鸡。

提起剁椒、凉菜，就会即时谂起香浓鲜辣嘅外省菜的特色，美心中菜嘅外省菜主厨就选择利用时令蔬菜入馔，炮制出凉拌本地茄子、玉带鸡茸本地蕃薯苗羹及咸鱼本地家猪酿地道凉瓜等，另外更用本地乌头炮制了剁椒杨氏乌头，剁椒嘅香辣与配上乌头嘅黄油甘香，别有风味。

想食到本地种植嘅菜蔬，仲可以去到D2 Place，其位于二期嘅天台农场会按时节种植五花八门农作物，种类多达五十种，由嫩绿蔬菜、清甜水果，以至鲜味香草，甚或近年大热的超级食物羽衣甘蓝及黄秋葵都会搵到，为大家带来Farm To Table嘅滋味。

参与Farm To Table以新鲜收成嘅作物入馔并推出快闪菜色嘅D2 Place饮商户包括Little Break、Thai-ger、Food Garden、荔园·流金岁月及F.A.T. LAB，大家可以试到由天台农场直送、天然纯粹嘅农作物所烹调而成嘅美食。

此外，D2 Place更举办绿色工作坊及Farm To Market周末农墟市集。其中绿色工作包括自制蛋壳迷你盆栽、香草盆栽及无土种植工作坊等。D2 Place的Farm To Market周末农墟市集则不定期邀请本地农友合作，出售本地种植的新鲜农作物及农产品，宣扬低碳生活及支持本地农业发展。

 

作者：Laurie Wu（爱保健爱旅游爱购物的熟女）
[email protected]