【维港会】1岁B识讲廿只动物名识叫长辈 新手妈问是否聪明

每个父母都希望自己子女天资聪敏，有网民在「亲子王国」发文分享自己1岁的BB已经懂得讲廿几只动物的名字，又识叫公婆爷嫲，新手妈「问我个BB算聪明吗」，有网民留言赞好，但也有人觉得只是「自己BB系眼中都系寳」的心态。

这位妈妈分享，她的女儿现在1岁，「喺佢8个月时我买咗啲动物咭片比佢玩下，玩左几日，无意中我发现佢好似已记得某啲动物，嗰时我一讲猪/狗/猫佢已识指出咭片位置，到而家一岁，佢基本上已认得/同识讲廿几只动物的名，我屋企有好几副咭片，佢每副都已记得同讲得出八成」

她透露，「公公、婆婆、爷爷、嫲嫲佢一早识讲，但佢连佢哋叫咩名都记得，会讲出黎，早几日我同佢玩嗰阵，同佢讲几次狗狗系dog，佢第二朝训醒已识得讲出黎狗狗dogdog」、「我女食奶肚饿听到奶奶呢只字会发癫，一定要立即饮，垫晒地，咁我地就转讲milk。点知讲多2日，佢又都知milk等于奶，又扭到癫咗，而家讲个M字代替。昨晚佢同我哋讲M系奶奶系milk」。

这位妈妈直言，「我冇任何想人赞的意思...因为我新手妈妈，暂时又冇其他朋友/兄妹有BB，所以唔知系咪其他BB都系咁」。

有网民赞好，「你小朋友记性都好好。再观察一下是否真系聪明」。

不过也有人指，「每个BB在妈妈心目中都系叻架啦， 特别系家中第一个。」、「你系得呢度问，应该大部份人嘅BB都做到，冇咩特别。」、「每个BB系妈妈嘅心目中都系特别叻....但别介意，路途还长，一岁到十八岁中间还有十七年，变化可以好大，当小孩越长越大，你会发现只要他/她不受朋辈影响，而然足矣...我家小孩一岁九个月才开口说话，两岁时却已能背诵三字经，当年也感大慰，随著岁月，却发现平安不坏已经很好了」

也有人分享自家的经历，「我个女15个月先识行，18个月先开始叫妈，一直唔觉佢特别叻，一年级学期尾老师叫佢去做测试先知系资优，我唔觉得有乜特别」、「我记得我仔一岁时识咗一样嘢中文，例如狗，跟住再同佢讲狗英文系dog , 佢死都话唔系，系狗。鬼咁蠢 」、「聪吾聪明唔系咁睇的，我只能话现阶段你担心小一件事。我仔三岁才开口讲野你会觉得佢聪明吗？」