【维港会】名校女生压力崩溃转Band3校无想像差 读得开心称老师用心教

有中学生发文，因学业压力太大，从第一组别名校转到第三组别学校，虽然学习气氛没有那么好，但心境反而轻松了，指「我觉得Band 3根本唔系出面啲人讲到咁差，入面啲老师其实好用心教」。

女学生透露，曾经就读油尖旺一间Band 1中学2年，当时因为受不住压力转校，当年全级名次跌一两名已经感到压力，「每晚都瞓得唔好，每日放学后就系补课，我本身唔系志在做医生、律师，想毕业之后做设计，所以同老窦老妈倾过之后俾我转校，佢哋得我一粒女，都唔想压力太大搞到有咩病」。

转校后她形容，「但系我觉得Band 3根本唔系出面啲人讲到咁差，入面啲老师其实好用心教，见你有心求学已经如获至宝咁，夜晚任何时候都会覆你问题」。她举例，「试过有老师教我哋做功课，教到11点先同我哋一齐走；我仲记得以前Band 1学校啲老师劲功利，见你成绩有潜质先会花时间喺你身上，又或者用好多时间带课外活动，再唔系一放学就走人，仲早过啲学生走」

她直言，转校后学习气氛一定无Band 1学校好，「有一半同学唔系读书，好Hea比较懒，可能同出身都有关系，好多同学都系屋企穷、单亲、新移民，或者系超龄学童」，但她相信成绩还是要看自身有否努力，根基打得好不好，好的话去哪里都会好。如果有恒心不断操练试卷不相信会低分。「依家我都读得几开心，空间多咗，都无以前咁大压力」

其他网民留言，「我以前就系系band1学校读到病咗，之后先转去band3读，但都转得迟，因为个病都要中途退学。但系band3学校读段时时系开心好多。冇女校嗰种小圈子，啲同学劲nice。又冇咁大读书压力。」、「根本名校主要只力捧既学生只系5** 果堆，其他自生自灭， 差学校都有好老师架」、「Band3开心好多 唔通你读完band1能够保证自己以后一定成功？」也有人认为，「你太极端，根本唔需要转去band3，转去band2已经可以轻松啲。」