死侍赖恩唔想再保护森姆积逊 《保镳救杀手2》动作连场炸埋游艇

2017年，美国动作喜剧《保镳救杀手》（The Hitman's Bodyguard）全球大收1.76亿美元（约13亿港元）票房， 续集《保镳救杀手2》（The Hitman's Wife's Bodyguard）将于6月17日在港上映！今次继续由首集导演柏德烈侯治（Patrick Hughes）执导，上集两位主角曾凭超级英雄电影系列《死侍》（Deadpool）成为荷里活巨星嘅赖恩尼诺斯（Ryan Reynolds），以及《复仇者联盟》（The Avengers）系列嘅森姆积逊（Samuel L. Jackson）亦会回归！

故事讲述赖恩尼诺斯饰演嘅米高拜斯决定告别保镳生涯，休假中撞到上集由森姆积逊饰演嘅杀手达利基奇的「欺诈女皇系」索爆老婆索妮亚，被迫再次做达利嘅保镳！两个人喺欧洲再次面对恶啃任务，仲突然要同由安东尼奥班达拉斯（Antonio Banderas）饰演嘅恶势力癫佬巴巴多普罗斯对决，保镳与杀手嘅善恶对立，一场离奇搞笑任务即将上演！

杀手老婆索妮亚继续由莎玛希恩饰演，佢喺今集有极重戏份，唔单止电影海报企正中间，从预告中亦可见佢参与大量动作场面，眼利嘅观众一定留意到英文戏名由上集《The Hitman's Bodyguard》变成《The Hitman's Wife's Bodyguard》，唔通今次要保护嘅其实系杀手达利嘅老婆索妮亚？

除咗旧有班底，今集仲搵嚟强劲卡士加盟，包括《蝙蝠侠》系列金像得主摩根费曼（Morgan Freeman）以及理查格兰特（Richard E. Grant）等等。预告中不乏爆破、枪战嘅刺激动作场面，同时有不绝的搞笑场口，成功舒缓紧张嘅任务情节。