【独家】新德莉莉至亲中招 乔宝宝做义工筹款助家乡
2021-06-04 00:47 
由印裔Sri Kishori执导嘅首部港产Bollywood电影《我的印度男友》上映首个周末荣登中文片票房冠军，乔宝宝日前拉埋片中仔仔女女成家宏（Karan Cholia）、新德莉莉及导演食印度菜庆祝，四人更示范用薄饼当匙羹去舀咖哩鸡食。采访：方骞平 摄影：谭壹致 场地：Curry Leaf Indian Restaurant@佐敦茂林街
乔宝宝最buy陈欣妍（Shirley）冇女神包袱，就算用手食嘢都零诈型，跟足导演模式去用手指卷饭及捞汁，一take过搞掂晒。对于陈欣妍被指经过宇宙大进化变身西施，片中有得同Shirley钖钖的成家宏就避谈话冇研究，亦唔会去睇返Shirley以前个样，总之𠵱家佢系印度西施。乔宝宝笑住打圆场说：「咁女大十八变，女仔会keep fit，经过后天补救会变靓，好似我咁都进化紧，提前做圣诞老人啦！」不过，他笑言喺父亲眼中，永远系「囡囡」(新德莉莉)最靓：「呢啲全部系观点角度问题，正如香港女仔锺意青靓白净嘅韩星，我哋印度型男大多数系留须。」
导演一周失三好友
提到印度近月疫情相当严重更成为世界焦点，宝宝两公婆大部分亲人已离开印度，而导演Sri Kishore伤心自爆一星期内失去3位好友，听到死讯开始变到麻木；新德莉莉慨叹舅父、婆婆等9成至亲都中咗招，还幸已康复中，不过，她担心到连电脑都唔敢开，宁愿采取逃避态度，都唔想再听到亲友不幸嘅消息，至于男主角成家宏在印度的亲友尚算ok。稍后乔宝宝会喺印度餐厅做义工，筹款援助印度抗疫，实行有钱出钱，有力出力。而今次印度疫情大爆发，4人喺香港不单冇被歧视，更获得唔少关心问候，感受到人间有情。
最新回应