Juicy叮｜上车后宁返父母家食饭留宿 业主呻新居无归属感「似staycation」

香港地物价高企想置业向来都不容易，但有刚刚上车一年的新进业主，却嫌弃层楼无归属感，引起网民诧异。

「香港讨论区」网民称，一年前趁楼价升幅不大就上了车，当时亦都因为遇到个好经纪才找到现在的单位，「当时我都好信楼缘，层楼系你就系你，唔系你点都唔系你，层楼最后都系属于我，畀我抢到」。但住了一年，「觉得层楼好无归属感，似staycation 多过似自己屋企」。

他称，未上车前与家人同住，食惯「住家饭」，所以上车后照样回父母家处食饭，照样交父母家用，有时如果太夜就索性留在父母处住宿，所以新屋不是经常住，「同事问我住边，我都讲照讲话同屋企人住公屋」。

他透露，现时每月供楼要16,500元，当中有5,500元是利息，每个月还要交一千多元管理费，以及地租和饷，不过他「上咗车之后，都系咁生活，都系咁照乱使钱，做得唔happy就会祼辞，唔会好似啲人讲到买咗楼要点点悭，咩点畀心机做嘢」。

他大呻，「其实一个人住300尺，应该都唔算太差，但唔知点解对新屋完全无归属感，唔觉自已有层楼，亦都觉得供楼其实系好轻松，起玄学角度黎讲，一层好的楼系住到唔会搬，相反一层唔好的楼，就会好快搬走，唔通层楼其实系唔适合我? 点先可以有返啲归属感?」

他又列举出新家的缺点，新居行去港铁站要过马路，绿灯下只需5分钟 ，但如果遇上红灯要成10分钟；新家用手提电脑 ，父母家用桌上电脑 ，有时返到新屋因为手提电脑不好用，乾脆连电脑也不打开；新居距离公司较远，搭车要多5分钟时间。新居是开放式厨房，抽油烟机是循环气流 ，煮食不方便。

但他又认为，新居是单栋楼人口密度低，搭升降机少遇上其他邻居；新居清静，经常听歌或睇戏大声都不怕被人投诉，「有时夜晚10点都照爆机，公屋隔音较差，一定唔可以咁做」；新居的健身室免费任玩，因为管理费包含在内，而健身器材质素更好过外面的健身室。

有网民留言说，「依家有会所嘅新楼尤其是一房或开放式嗰啲，畀人感觉都系似酒店房多过似个『家』况且你只系住咗一年，又仍然返咁多父母屋企，对新屋冇归属感系正常。」、「有家人喺里面一齐住嘅，先叫做家。如自己一个人住嘅，只可以称之为一间屋。」

有人则建议，「好明显你仲系裙脚仔心态, 未有心理准备独立。我明白的, 在(父母)家千日好，搬出嚟就乜都自己搞掂。再加上一条友无谓为搬而搬，你不如放租先, 返去同父母住到你日后组织家庭你就唔会痴住屋企架喇。再讲多样，新屋太近父母家都会降底独立意欲，你试下一东一西，焗住自己搞掂」、「咁你租佢畀人，先搵人帮你供罗。可以先搬返屋企住，到将来想同居或结婚才搬过去，到时多一个人自然就多返归属感。」

但也有人认为发文者是无病呻吟，很多人连基本住屋都捉襟见肘，何况有一层多出来可以「staycation」的楼。

帖文转载自「觉得自己层楼好无归属感」