朋友食饭全程玩手机港女一肚气：好似自己一个食咁｜Juicy叮

2023-03-13 07:03

因为顾著滑手机而冷落身边人的情况时有发生。有港女近日以「同朋友食饭好似自己一个食咁」为题在facebook讨论区发帖猛呻，指约朋友食饭时，对方全程只顾玩手机，感觉好无瘾。回应的网友大都替楼主出气，批评对方无基本礼貌也不尊重人，不过另有人笑言「你唔够你朋友社交平台吸引，你要好好反省啦」。

楼主讲述详情，指「同某个朋友通常1个月左右会约一次出嚟食饭，近呢3次食亲饭佢都系挂住㩒电话，无论行去行餐厅嘅路程上，食紧嘅时候定系走嘅时候都系㩒住个电话。我同佢讲嘢佢有回应㗎，但对眼都系望住个电话不停打字，一系就睇FB、IG。

我都开声同佢讲过，可唔可以专心小小同我食饭？我觉得好似同自己一个食饭冇分别。佢话佢返工冇机会㩒电话，难得放工有自己时间想做下自己嘢放松下，同埋习惯咗一见到电话就忍唔住㩒。

我忍唔住问佢咁你做咩要同我约食饭呢？点解唔索性专心D返屋企抖下㩒电话？讲完之后佢真系feel到我嬲，就放低咗部电话。我话如果佢再㩒一次餐饭就系佢请，佢竟然成功成餐饭都冇㩒过电话喎。其实大家倾下计其实咪仲开心，电话几时都有得㩒。同朋友相处放低一下其实唔系大问题呀，希望佢之后都慢慢改善到呢个习惯。唔好活喺电子世界入面......」。

网民回应：

港女呻约朋友食饭，对方却全程玩手机。

楼主指「我都开声同佢讲过，可唔可以专心小小同我食饭？」。

朋友食饭全程玩手机，港女遭冷落。

有网民指，「人与人之间被手机隔开，反而手机与人成一体化」。

有网友称，「在电话，佢同一时间招呼紧好多朋友。一餐饭，佢只招呼你一个」。

楼主发帖指「同朋友食饭好似自己一个食咁」。网上截图

网民指「依家d人选择同AI倾都唔同人倾了」。网上截图

网民指「通常㩒电话都系同另一半倾计」。网上截图

因应这种社交新常态，网民都细心回应：

•「习惯吓」。
•「科技冷漠呀嘛」。
•「系呀，而家d人选择同AI倾都唔同人倾了」。
•「人与人之间被手机隔开，反而手机与人成一体化」。
•「好多人已经唔识同真人沟通相处，过度沉迷手机电子嘢」。
•「在电话，佢同一时间招呼紧好多朋友。一餐饭，佢只招呼你一个」。
•「咁又系好唔尊重人，我同朋友难得见一次真系会克制自己唔玩手机」。
•「若有这情况，最好就拿拿淋食饱走人罗。一D尊重人意识都唔晓」。
•「问题系应尊重别人，约人出嚟食饭就唔好咁，如唔系约出来把鬼」。
•「最基本礼貌都无，唔尊重人，咁同佢食嚟做咩，以后用电话同佢食啦，大家自己食，映张相畀大家睇算吧啦」。
•「我估好多人㩒电话系同紧自己另一半（系二人无见面时）沟通紧，或者同有机会发展嘅网友沟通紧，因为要时刻keep contact不容待慢半秒所以要机不离手」。
•「你嘅朋友有无另一半？通常㩒电话都系同另一半倾计，呢个年代文字沟通好普遍，而且因为紧密沟通嘅关系不能覆慢每一秒，好难怪佢的，但可包保佢同另一半见面行街时可以唔睇手机的」。

另有人提到「曾经见过，一家六口吃饭，老的玩手机，小的玩电玩，无计倾，无交流！大嘅系咁，细嘅当然唔会放过任何时间打机！」、「我也见过，一对情侣吃饭，点菜之后，各有各玩手机！」。

虽然大部分网友都力挺楼主，但有人亦搞笑地指「正式你唔够你朋友社交平台吸引，你要好好反省啦」。

帖文来源：香港讨论区