初选案︱ 何桂蓝指戴耀廷连建制派都想说服加入35+

「35+」初选案续审，被告何桂蓝今午于西九龙法院供称戴耀廷「从来都系佢要包揽最多最多嘅香港人参与⋯⋯佢系连建制派都想说服埋35+」，在制度内让更加多港人参与。何桂蓝解释其参选宣言指「我认为唔会因为想留住一啲本来就建立喺privilege（特权） 同浮沙上面嘅自由⋯⋯而去接受一个表面繁荣实际上不断破坏香港嘅status quo（现状）。我会形容呢个系所有参与2019年运动嘅选择」。

大律师Trevor Beel主问引用戴耀廷2020年5月到7月多篇文章包括〈戴耀廷：揽炒，To burn or not to burn？〉及〈抢滩功能界别要靠「蓝转黄」〉，何桂蓝交代当时曾经读过文章，戴耀廷甚至倡议立法会「40+」以至取得46席。何桂蓝忆述当时社会讨论抗争是否需要激进化以吸引更多人支持，但戴耀廷「从来都系佢要包揽最多最多嘅香港人参与⋯⋯佢系连建制派都想说服埋35+」，由2017、18年主张区议会「填白区」开始到初选一直如是，在制度内让更加多人参与，故其构想运用立法会权力条款时主要想将所有民主派派系囊括在初选之内，而非应对中共打压。

Trevor Beel再引用何桂蓝6月18日发布的参选宣言指「反抗，先可以改变到香港嘅宿命」，何桂蓝解释当时港人仍抱有幻想「香港有维持现状呢个选择，但系一国两制之下，当一国不断变化，两制系冇可能维持现状」。何桂蓝直言「香港冇可能永远留喺冇民主但有自由嘅呢个幻想入面，我认为唔会因为想留住一啲本来就建立喺privilege（特权） 同浮沙上面嘅自由⋯⋯而去接受一个表面繁荣实际上不断破坏香港嘅status quo（现状）。我会形容呢个系所有参与2019年运动嘅选择」。

何桂蓝再补充自中英谈判以降，「至少国家主席个位唔系终身制先啦下嘛」，然而2012年之后中国大陆情况不断恶化，「香港凭咩觉得自己可以偏安一隅，维持一个有法治有自由嘅地方呢？」何桂蓝续指过去港人经常声言「守住法治」、「守住议会」，「我认为呢种心态会令情况愈来愈差，事实上乜都守唔住」。

何桂蓝重申反抗和自我实现其实是一体两面，「所以『反抗先可以改变香港嘅宿命』嘅意思，就系我哋要做我哋相信嘅嘢，我哋要寻求去实践我哋认为我哋应得嘅权利，即使我哋明知啖样会招致好大嘅打压，唔去褪，而系去坚持去做我哋本身做紧嘅嘢，先至可以改变到香港嘅宿命⋯⋯喺打压嘅人嘅眼中，我哋做嘅所有嘢都系反抗紧佢，但系喺我哋自己嘅角度，我哋从来都系实践紧一啲我哋想实现嘅东西」，来反抗极权逼害打压。

《香港国安法》指定法官李运腾追问用甚么方式反抗？何桂蓝指「佢哋唔畀我哋进行真正嘅民主选举，透过DQ、透过国安法去恐吓同埋尝试操纵个选举，但系我会形容初选就系一场由香港民间去做、符合民主原则嘅选举。即系话，我哋透过我哋实践我哋相信嘅民主究竟系点样样，去抗衡佢哋对民主嘅打压」。

Trevor Beel再问「面对极权，我哋的确一无所有」的意思，何桂蓝指「当我哋选择抗衡极权嘅时候，香港畀我哋系冇任何嘅制度保障嘅，即系我哋会承受一啲我形容系法外打压，但系我哋依然去选择去啖样做」。Trevor Beel又问「多年以来，呢个不民主嘅议会，都系吸纳、消弭街头运动能量嘅地方，但而家民众嘅强大的意志，已经走在政治领袖嘅前面」，何桂蓝解释立法会现时无法履行宪制责任监察政府、落实倡议或阻止恶法及不义拨款，然而每次有大型社会运动，最后都会转化成后来的选举资本，但是议会无法落实社会运动所争取的诉求，相当于吸纳了社会运动的政治能量，在制度内一无是处。

李官则问到「喺今时今日嘅香港，议会要去助燃场运动」一话何解，何桂蓝解释旨在回应当时主流说法，「好多市民其实都好清楚或者甚至都会讲立法会系废嘅，同埋佢哋会话真系要去选，唯一有用嘅作用系攞10万蚊人工来帮抗争者，否则纯粹就系纯粹系转移大家嘅视线，由场运动转咗去个议会嗰度」，而自己就想回应说法指议会「唔可以做好多嘢，佢只可以助燃，但系佢仍然有一啲关键嘅作用」，但具体而言初选之后，当选议员如何作为何桂蓝当时无法想像。

法庭记者：陈子豪

---

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ