初选案︱何桂蓝不拥护《基本法》而被DQ

「35+」初选案续审，被告何桂蓝今午( 27日 )于西九龙法院直言「正常人睇完都会觉得成份《基本法》系架空咗罗，（国安法）又唔受司法监督，连立法会嘅角色都可以僭越埋，最重要系佢系透过附件三摆落《基本法》嘅。今日摆国安法，听日摆间谍法，后日摆外国关系法咁，好难好文雅啖讲，但系国安法嘅出现令到《基本法》成为咗condom⋯⋯」法庭音讯器材出现问题，案件押后至明早( 28日 )续审。

相关新闻:

初选案︱邹家成曾指「用任何手段瘫痪每一个议会进行」 何桂蓝认为是尽责审议行为

初选案︱ 何桂蓝在2020 年7 月将军澳论坛中表示于立法会中「文攻武斗」

大律师Trevor Beel主问问到选举主任出于何桂蓝不拥护《基本法》而DQ，何桂蓝回应指「香港政府来讲呢拥护呢2只字意思经常变」，正常人应有自己理解，但陈浩天案中定义「拥护」为推广（promote）及拥抱（embrace），「呢样嘢对正常人好难理解啦，即系我拥护你，仲要帮手推广埋你先至算嘅」，更要去到本案中段陈词时才发现「拥护」有长达2页纸的定义。何桂蓝认为自己拥护《基本法》，因为《基本法》内有非常多权力互相制衡，「但系去到RO（选举主任）手上，即系点样决定一个人em唔embrace（拥抱）、pro唔promote（推广）都系好主观判断。」

何桂蓝补充选举主任DQ理据为其反对国安法故不拥护《基本法》，「但系国安法入面明明系话如果两个法相冲突呢，系以《国安法》为准⋯⋯」《香港国安法》指定法官李运腾表示不同意。何桂蓝续指当中亦有条款指国安公署不受香港特区管辖、国安公署签发文件在港具法律效力、国安人员做法不受司法覆核。何桂蓝直言「我唔识法律啦，但系一个正常人睇完都会觉得成份《基本法》系架空咗罗，又唔受司法监督，连立法会嘅角色都可以僭越埋，最重要系佢系透过附件三摆落《基本法》嘅。今日摆国安法，听日摆间谍法，后日摆外国关系法咁，好难好文雅啖讲，但系国安法嘅出现令到《基本法》成为咗condom⋯⋯」法官陈庆伟闻言随即打断何桂蓝指毋需深究。

Trevor Beel引述7月30日何桂蓝被DQ后发布的facebook 帖文，当中提到「收到被 DQ的消息，说实话，团队固然有所失落，但也不无兴奋的声音」，何桂蓝今解释「好原初嘅谂法系真系谂过系咪要入去（议会）呀，但系其实如果反正最后都系DQ或者系畀人拉呀，早啲完都系件好事。同埋我当时嘅谂法，如果入立法会嗰个唔系我——」何桂蓝笑言「嗱而家睇返好天真啦——我就认为因为呢单嘢而坐监嗰个就唔系我喇。我当时以为入立法会坚持议会抗争先至会畀人拉，既然我行唔到嗰步，啖就应该就唔会喇」。

何桂蓝再解释「对香港而言最坏的情况，就是选举『如常』进行」一话，指如只有少数人被 DQ，即使大家明知不公义，焦点也会迅速转移，仍然会有很多人于立法会选举中投票，为非常不公义的选举背书，如此情况对民主派而言更加不利。「运动精神是甚么？揽炒啊。反抗，是求生的唯一出路」一句，何桂蓝解释最终DQ规模庞大，同日内由公民党到自己等DQ了十多人，整个民主派光谱无一幸免，「好多民众觉得D（Q）到啖好失望呀，或者输晒喇冇得赢喇啖，啖所以我就想解释返，点解呢一个跨光谱嘅大规模DQ 反而对民主派有利，而对政权来讲有损害嘅结果⋯⋯政权去行呢一步，佢哋付出嘅代价都非常沉重，啖就呼应返对揽炒嘅想像，」而相对他人主张避免DQ，自己一直主张反抗，故从结果而言「唔一定要缩、唔一定要自保先至可以攞到一个好嘅结果」。

「完全将选举作为『以神圣一票选出民意代表』的机制无效化，也将鸟笼式选举吸纳、消弭政治运动能量的功能完全扼杀」一句，何桂蓝则解释「鸟笼式选举」中，「好多人相信跟住制度嘅规矩，喺制度内争取嘅话，佢会有好结果。但系大规模DQ呢个行为，反而系令更加多市民睇得非常之清楚：只要政权喺现行制度下佢有输或者有被挑战嘅可能，佢其实系会直接破坏个制度都要回避个挑战。啖我相信啖样就可以破除到大家对跟住制度行就会有结果嘅呢个迷信，因为制度本身都系按照政权嘅喜好浮动而变化」。

何桂蓝否认与他人协议作出控罪内行为，否认曾听闻任何初选参与者协议无差别否决财案、瘫痪政府、逼使特首下台或解散立法会。何桂蓝否认当选后会不论内容为何，拒绝通过一切财案拨款议案，又否认一旦当选会滥用《基本法》赋予立法会的职能，反驳指「我会形容想还原返个职能」。被问到是否有意以非法手段严重干扰、阻挠、破坏香港特区政权机关依法履行职能的行为，来颠覆国家政权时，何桂蓝再次否认，指「我可以理解，点解喺中国大陆嘅logic，啖样系颠覆嘅，I mean要求民主化呢一样嘢。但系如果一个普通法嘅court 要endorse（赞同）呢个谂法，我觉得系揽炒紧普通法罗。」

法庭记者：陈子豪

---

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ