移民加拿大免租住阿叔间屋 月入3万前公仆呻生活无希望 同路人：想回港但......｜Juicy叮

一名原本月入3万多元的前公务员本著「出去闯下」的想法移居加拿大，近日在「连登讨论区」以「嚟咗加拿大一年，感觉好无希望」为题发文呻爆，呻至枫叶都落，指住阿叔屋、揸阿叔车的彼邦生活不似预期，遭网民冷嘲为「裙脚仔」，建议「咁委屈就唔好勉强」、「回家吧，咁辛苦何必呢」。

有同路人感性地发长文回应，指在当地唔易生存，情感上好想回港，却因为一原因而坚持留下......

前公务员移居加拿大后呻爆逐张睇↓↓↓↓ 

楼主呻爆加国生活，呻至枫叶都落。

楼主：本身系香港做公务员，人工都有3万几，同老窦老母住成栋三层村屋，仲有车揸。

楼主：唔知做乜屎忽痕走去加拿大闯下，住喺我阿叔放租啲condo（公寓）仔。

楼主：话就话唔收我租但水电上网要我自己交xx（最好笑系自己换新车畀架5、6年前嘅旧车我揸），然后同我老窦讲照顾得我好好。

楼主：搵工唔使讲，我喺香港做几年公务员嚟到够胆死唔计我经验，全部当我普通大学生咁开entry position（初级职位）畀我。

楼主：做埋啲湿Ｘ嘢，已经无谂咩晋升空间career path（职业路径）。

楼主帖文。「连登讨论区」截图

网民斥裙脚 身在福中不知福

楼主在加国有叔父照应下仍满口怨言，感到生活与工作不遂顺，情况惹来网民关注，并转载至其他facebook群组。回应的网民似乎都看不过眼，直斥为「裙脚仔」心态，虽然「寄人篱下」但「身在福中不知福」，同时替照顾楼主的阿叔不值↓↓↓↓

网民：阿叔仁至义尽，照顾个不知好歹的巨婴。

网民：有免费屋住，仲有免费车揸，我都想有个咁嘅阿叔照顾我。

网民：阿叔老冯养你？唔收租畀埋车你揸都仲嫌三嫌四，呢啲ＸＸ唔死都无用。

网民：阿叔都算系咁啦，睇你老窦份上唔收你租，畀埋架车你揸仲想点啊？呢啲人去到边度都系咁㗎啦唔心足。

网民：租唔使交、车唔使买、净系夹返水电煤。请问咩叫闯下？ ​

网民：呢啲唔识感恩嘅废青，你亲戚畀地方你住唔收租，只系要你交水电上网费咁都投诉？ ​

网民：阿叔真无辜！

网民：唔使钱，畀架车你用，仲觉得人哋衰……有骨气就自己走，唔好住亲戚度！

网民：如果我系佢阿叔立即收回间屋和架车，欠你㗎？！

网民：畀我系佢阿叔一脚踢佢出街。

网民：唔收你租，畀车你揸仲想点，使唔使畀埋副身家你。「连登讨论区」截图

网民：又话闯下，闯下就咩都靠自己啦，又住呀叔地方又用呀叔车。「连登讨论区」截图

网民直斥为「裙脚仔」。「连登讨论区」截图

前公务员移居加拿大后呻爆 网民冷嘲回应↓↓↓↓

网民于是力劝楼主「咁委屈就唔好勉强了」、「回家吧，咁辛苦何必呢」。另有网民从金钱与工作经验去分析，指↓↓↓↓

网民：咁都捱唔到就返香港好过啦。「连登讨论区」截图

网民：不如你问下自己有咩skillset（技能）系个市场需要㗎？「连登讨论区」截图

网民：咁你想点？唔like（喜欢）可以返香港，去到咪由0开始罗。「连登讨论区」截图

网民：回家吧，咁辛苦何必呢。「连登讨论区」截图

楼主帖文。「连登讨论区」截图

同道人感性回应：多伦多唔易生存

说著，有同道人作出感性回应，坦言情感上好想回港，但理性上想坚持拿到当地的永久居民资格。呻完一轮「多伦多唔易生存」，还是以顺其自然作自勉↓↓↓↓

同路人：2023年，情感上好想离开加拿大返香港。

同路人：搵工嘅时候好辛苦，但望返转头我好好运。

同路人：多伦多唔易生存，税高、物价高、tips（小费）高，难搵工。

同路人：香港食饭有平有贵，一条厕纸唔会卖到一百蚊港纸。

同路人：知加拿大大部分唔好嘅嘢，最后尾都决定咗嚟。

同路人：多一个身份，多一个选择。

同路人：机遇嘅嘢唔知系点，let it flow。

同路人有感而发。「连登讨论区」截图

回应楼主的网民言词恳切，然而有网民却发现楼主发这帖文时，怀疑也另发「读咗HKU（香港大学）几个月好大压力」一帖，质疑「加拿大读HKU都有咁多人应」、「又读紧HKU，又去咗加拿大一年」、「楼主识影分身定精神分裂」，怀疑楼主是否在加拿大读港大。

移民加拿大住阿叔屋揸阿叔车 月入3万前公仆呻生活无希望 ​

有网民发现楼主发这帖时，另发帖指「读咗HKU（香港大学）几个月好大压力」。「连登讨论区」截图

网民怀疑楼主自述真确性。「连登讨论区」截图

有网民发现楼主发这帖时，另发帖指「读咗HKU（香港大学）几个月好大压力」。「连登讨论区」截图

网民：楼主识影分身定精神分裂。「连登讨论区」截图

移民后生活相关新闻：

移英港人庭园急冻食物 外置雪柜无限大 网民分享经验：啤酒汽水室外冰镇

移英港人庭园急冻食物 外置雪柜无限大 网民分享经验：啤酒汽水室外冰镇

 移英港妈花园晒腊肠：发梦都无谂过识整 网民好奇：阴湿天气都晒到？

移英港妈花园晒腊肠：发梦都无谂过识整 网民好奇：阴湿天气都晒到？

 移英港人旧同事聚会 因一锅煲仔饭 揭一校8老师移民校长都走埋......

移英港人旧同事聚会 因一锅煲仔饭 揭一校8老师移民校长都走埋......

 

移民潮小结？ 网民盘点抵英后首份工最多人回应：XX

移民潮小结？ 网民盘点抵英后首份工最多人回应：XX

港星级发型师爆移英辛酸 低薪剪发被人用尺逐寸度 揭英女头发藏一大黑暗面

港星级发型师爆移英辛酸 低薪剪发被人用尺逐寸度 揭英女头发藏一大黑暗面

40岁港男徵大埔人做「移英伴侣」惹议 网民：另类徵婚告示

40岁港男徵大埔人做「移民伴侣」惹议 网民：另类徵婚告示

移英港人批3镑「英国版两餸饭」高脂高糖 劣食过两餸饭

移英港人批3镑「英国版两餸饭」高脂高糖 劣食过两餸饭

 港妈移英2年半苦况大哭诉 难处逐样数狂飙泪：「越了解呢到 越唔锺意！」

港妈移英2年半苦况大哭诉 难处逐样数狂飙泪：「越了解呢到 越唔锺意！」

 移英港童大爆港人英国校园被欺凌：「我每日返学带𠝹刀自卫！」想生存只能靠...

移英港童大爆港人英国校园被欺凌：「我每日返学带𠝹刀自卫！」想生存只能靠...

移英一年半花光父亲给600万 连登仔呻陷「无尽地狱」

移英一年半花光父亲给600万 连登仔呻陷「无尽地狱」

移英KOL当街被闹「病毒」 自觉如二等公民

移英KOL当街被闹「病毒」 自觉如二等公民

冬天天气差异大食物选择少 移英港人：要接受好多事非想像美好

冬天天气差异大食物选择少 移英港人：要接受好多事非想像美好

卖楼移英半年难适应新环境 港人欲回流陷两难惹议

卖楼移英半年难适应新环境 港人欲回流陷两难惹议

 

----

《星岛头条》APP经已推出最新版本，请立即更新，浏览更精彩内容：https://bit.ly/3yLrg