吕丽君4伙晋环全数挞订料被杀订1,400万 3个单位已先后大平卖售出

2024-01-26 13:55

华置前主席「大刘」刘銮雄，其前女友吕丽君（现名吕姵霖），于2021年一掷约1.4亿元买入晋环4伙单位，其中3伙于上月先后挞订，而据项目成交记录册显示，最后一伙由她持有的1B座42楼A室亦已挞订，即是曾持有的4伙晋环单位，全数挞订离场，料被杀订约1,400万元。

早前挞订的3伙已先后大平卖售出，其中1B座39楼A室，面积919方尺，3房间隔，吕丽君于2021年曾以约3,484万元买入，去年12月挞订离场，发展商早前大减约700万以2,780万元售出，尺价30,250元。而新买家为内地专才，土地注册列明单位COLLECTOR OF STAMP REVENUE，意味新买家享有先免后徵优惠，可悭近300万元税项。

另外1B座40楼A室，则于去年12月以2,820万元重新售出，成交价较吕丽君2年半前的买入价低约681万元，跌价19.5%。

连扫晋环大刘形容「猪头炳」

「大刘」去年11月记者会上曾指吕丽君大手入市晋环豪宅是蠢的行为，因为首期仅付10%，另外又付15%税予政府，预期难以完成交易，更形容是「猪头炳」。

重温大刘记者会：

大刘上周开记者会，句句剑指吕丽君。

大刘记者会吸引多间媒体采访。

现场有工作人员派口罩。

全部记者均戴上口罩。

1. 谈恒大许家印：「我从来冇嬲佢，我系嬲我自己，因为我老婆同佢家姐讲过不下200次，叫我卖啦卖啦，我话我卖先佢一定X街，快得过佢应该要X街。」

2. 谈有人拿民事传票给他：「我见坏人都见唔少，但咁X贱咁X坏嘅人，都系第一次见。」此时有记者问：「坏过凯婷？」大刘显得有点一头无绪：「吓？坏过咩？咩凯婷？」记者解释是潮语，意指好坏嘅女仔，大刘说：「我唔知，真系唔识呢啲嘢，我呢啲又老又out，而家识喇，但我都唔知咩意思。」

3. 谈「贱人」变坏之前有否劝吁对方：「梗系有，但系有用咩？唉……我净系讲佢全家都系纳米型、纳米型嘅贼仔，全家。」

4. 谈会否分身家给「某啲贱人」：「贱人梗系唔会啦！你呢个问题都有少少问题啦！我长命一万岁都冇机会啦！佢实破产㗎！贪到死，乜嘢都要借。」

5. 谈对方蚀得最多投资：「佢以前同我讲伦敦买咗啲物业返嚟，全部都系作出嚟！我而家够话美国白宫都系我负责起㗎，任我吹，你信唔信吖？我而家想呃你啊，靓女，你想住伦敦白金汉宫，定华盛顿嘅白宫？你信唔信吖？我谂全世界1万个有钱佬都买唔到呢两栋物业。佢讲大话唔使眨眼，出口成诗㗎！」

6. 谈子女知否母亲所作所为：「I really don't know！我真系唔知，佢好识洗脑㗎……一支牙膏、一张单都claim3次，呢句说话我作出嚟嘅话，我绝子绝孙，七个仔女养唔大啊！」

7. 谈最近一个月有否改遗嘱：「佢唔止牙膏claim三次，喺超级市场地下啲单，佢都执嚟claim，你估我唔知咩？……佢最擅长系点呢？买咗个名牌袋之后，平价卖返出街。我记得40几年前去夜总会，啲舞女最锺意搵老衬。5千蚊买日本时装，我就收返4千蚊现金，时装铺就剩袋1千，40年前好兴呢啲嘢㗎。」

8. 谈对方子女已长大会否独自生活：「你问得真系好，我真系想拥抱你，唔系想非礼你啊。」

9. 谈有人投资失利：「买埋啲Accumulator，I'll kill you later！」

10. 谈有人去新加坡招摇撞骗：「我够可以喺电视同拜登合照、P图话佢企喺我隔篱啦！以前台湾有套电影叫《养鸭人家》，你知唔知鸭同鹅分别，鸭只系做女人生意，鹅就男又做女又做。呢啲系佢嘅私生活佢嘅事，唔关我事。」

非港人及非专才需付15％印花税

是次新买家为内地专才，享有去年施政报告所推出的「先免后徵」优惠，即容许人才买楼后申请暂免缴付印花税。是次缴付约118万元的税款，占楼价约4.25%，反映以首置税率缴税。

若买家仅为一般内地客，没有香港身份证及并非认可专才，在港买楼需要付买家印花税（BSD）以及新住宅印花税（NRSD），政府去年施政报告将此两项印花税税率调整至各7.5%，故大陆人在港置业就需要合共支付15％印花税。在需要缴付楼价15%的辣招税下，涉税预计约417万元，今次买卖成功省下约300万元税款。