东张西望丨何太反击迷汤传言否认落壮阳药 76岁何伯自夸：啲后生仔唔够我嚟呀！
2024-05-14 21:50 
TVB《东张西望》近日报道76岁何伯与年轻逾30岁的内地妇极速再婚的故事，何伯更因何太与五名仔女反目，事件连日来成为全城热话。《东张西望》今晚（14日）播出访问街市档主，有报纸档摊陈氏夫妇直指何太处心积累「寻找猎物」，又送「迷汤」，何伯、何太亲回指控，又对「煲汤落壮阳药」直接否认，何伯充满自信说：「啲后生仔唔够我嚟呀！」
相关阅读：东张西望丨揭秘何太追求何伯4大手法！每日煲汤焗花旗蔘水 认识第一日即求介绍男人
东张西望丨何太被爆追何伯攻势？
《东张西望》今晚播出访问屯门欣田邨街市的档主，当中的报摊陈氏夫妇大数何太不安好心，而且处心积虑，街市不少摊主都认为何太有问题，曾提醒何伯小心何太，报档陈生、陈太指何伯为人心地好，又与街市众档主熟稔，但何太摆15日临时档卖花胶海味，第一日已向人称自己单身五年，有个18岁的儿子，因为单亲想搵个男人，问有没有介绍。而且又加邻铺剪发师傅的微信，被质疑在街市寻找猎物。
何伯维护何太从冇提过钱
对于被街市报档夫妇数笑，何伯及何太亲自回应。何太被指炮制迷魂汤，何伯维护何太：「冇提过钱呢个说话，冇！佢（哋）话俾迷魂汤你，迷你，我话唔会，饮落几精神呀！越饮越精神，（何太：几搞笑），又有料，越饮越精神。」
何太自称光明磊落正直善
又有指何太的一班姊妹会在街市找目标，找戴名表、金鍊的阿伯，再主动加微信，当中更提到煲汤落壮阳药。何伯冷笑道：「开玩笑。」而何太就否认：「我唔识呢啲嘢。」之后何伯代为澄清：「冇咁嘅事，我OK嘅，啲后生仔唔够我嚟呀，假嘅咩？你睇我身体。」何太表示自己从来没有掂过迷魂汤、壮阳药：「我份人行得正企得正，去到边我都光明正大，光明磊落（嘅）一个人，因为我似我老窦咁正直善良，我只系会去维护正义嘅人，我同情啲弱者，我会对抗啲恶人。」
相关阅读：东张西望丨何太突转口风为应付生计已变卖流星锤龙凤鈪 网民质疑前言不对后语
东张西望丨何伯维护何太回应指控：
对于有指何太四出寻猎物，何伯抢答问：「我答得唔得？（何太：我冇印象）佢第一句同我讲，我嗰时喺隔篱买报纸，揸住啤酒同佢倾下偈，我同佢感情好，佢问我有冇男人介绍一个，我话唔得喎！」何太即纠正：「我问你有冇好男人，帮我留意一个，做老公嗰啲，我想搵个好老公。」何伯续道：「佢叫我同佢搵丫嘛，（何太：有好就话，我想搵个单身嘅），一系契女，老婆又得，唔系喇！我就留返自己用，做老婆，咁我就一句做老婆，做我老婆，我留返自己用。」
何太加男士微信称为合作
对于加其他男士微信，何太否认并称：「就跟一个发廊师傅加微信，因为我当时想开一间单剪，想同佢合作。」何太又否认想多了解发廊师傅，而且对方有老婆，女儿亦已十多岁。何伯直指何太与对方无缘：「嗰个都同我好好倾，好Friend」，何太解释加对方微信纯粹是想请教：「到底香港开单剪发型屋，需要咩证件？」
何伯称九年没掂过女人
至于二人感情发展超速？何伯对被网民指「恋爱脑」，以为是指自己年纪大，何太即插嘴说：「讲得难听咪批评我先生临老入花丛。」何伯闻言维护何太：「我前妻走咗九年，我未搵过女人，真系冇掂过女人，未搵过，啱啱等到九年之后撞啱佢，感情到喇！缘份到喇！咁就锺意咗佢。我哋由浅感情一路深落去，同佢结婚罗。」
相关阅读：东张西望丨疑似何伯子女公开宣战拒养后母？「新何太」隔空反击：钱一定拿回来
被问是否承认自己「恋爱脑」？何伯不认同，认为只是爱对方：「我爱佢爱得口啱嘅，有佢照顾我下半生，我就好开心。我啲钱，到时我剩咗啲钱，结咗婚留畀佢就啱嘅，留畀仔女冇用，冇几耐就散晒。」何伯对与何太进展太快认为：「佢急，啱我心水，嗰时我都唔够胆，初初我主动追唔够胆，佢有意思就最好啦！我早就睇中佢，我一眼就锺意咗佢。」
其他文章：
东张西望丨何太为珠宝名牌袋解画！再晒何伯所赠10万元流星锤龙凤鈪 梁敏巧睇到哗哗声
东张西望丨何伯自认清醒「边个女人呃我，我一定睇得通」 何太强调注重名声：邪不能胜正
东张西望丨何伯夫妇「全副武装」逛街市共度患难不忘煲汤？ 网民关心边个畀钱
东张西望丨梁敏巧被何伯摸大髀？ 容羡媛转发一图关注何伯婚姻状况
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应