星8卦丨「男主角」唔锺意出街 赖老婆妻管严扮无奈小男人
2024-06-25 11:30 
「男主角」 嘅性格多缺憾成世都唔会改，难得拍套戏大收，但就得罪晒全世界，人哋开续集，原装班底开开心心再拍，唯独飞起佢，可以话落败而回，从此都冇无得返去捞。
相关阅读：星8卦丨「才女」最爱人夫 遇「激进」大打出手吓到「大哥」「才子」避走
「男主角」 娶咗嫩妻之后，做咗多仔公，佢就开始收埋自己， 乜嘢朋友搵都唔出嚟，就算出嚟都带埋老婆 ，帮佢营造一个跟得老婆嘅形象，目的有乜事都系搵老婆顶 ，衰嘢系关女人事，同自己无关！其实系「男主角」天性都比较懒，佢见老婆私帮生意做得唔错，诈诈谛谛话自己老来得子，锺意留喺屋企凑仔，老婆仲后生，搵钱又易过自己，所以做住家男。
朋友搵自己就话老婆唔锺意自己出去衬，而家系妻管严，口口声声话老婆锺意做跟班，事实系佢每次出街都同老婆讲要一齐出去，费事俾啲朋友缠住返唔到屋企，老婆见你咁顾家，梗系乐意配合，每到咁上下时间叫老婆开声话要陪仔瞓觉，搞到班兄弟对阿嫂嘅印象唔多好。
「男主角」份人就系咁，心胸狭窄唔在讲，仲要成日唔抵得同期嘅人开始比自己好，朋友已经唔多，仲要斤斤计较，将自己小器乞人憎嘅行为铺排一个故事摆老婆上枱，所以成班闺蜜都好气忿「男主角」呢啲劣行，但鬼叫老婆好爱「男主角」，大家都无晒符！
其他文章：
星8卦丨男人爱后生女帮忙传宗接代 导演一二号弃糟糠一齐做老豆
星8卦丨「秃头」样丑但识氹女「长面」唔够「妹妹」争输得好失礼
關鍵字
最新回应