星8卦丨「阿叔」照顾「大眼」够痴心 同「呆佬」一齐开心做老窦
2024-11-22 11:30 
讲到蠢都冇人够「呆佬」天真同冇所谓，最近做埋老窦梗系兴奋，但冇谂过肚入面嗰个系咪自己。佢觉得娶到「大眼」好好彩，由于住埋一轮，大咗肚就梗系结婚，其实同时间「大眼」仲有「阿叔」呢位金主照顾住，个肚系边个，「大眼」可能都唔知道。
相关阅读：星8卦丨「痴情」媾女上瘾阿妈出招拣 识做新抱一家和睦
「大眼」一向好叻搵老细，屋企背景复杂，自细就好叻搵有势力但年纪大嘅老人家去照顾。「阿叔」就比较长情，咁多年都令「大眼」衣食丰足，但自知年纪大，咪出钱捧佢出嚟自力更生之馀，亦希望佢搵到好归宿，如果对方搵唔到钱自己会照顾埋。结果「呆佬」就系咁样被拣选，一老一嫩合力令佢入局，好快就住埋，期间两个人好甜蜜㗎，不过「阿叔」依然系幕后操纵者。
咁多年「阿叔」都想同「大眼」有个细路，所以公布喜讯之后， 「阿叔」认为个肚自己有份㗎，对「大眼」更加不离不弃，叫佢唔使担心生活。「呆佬」唔知咁多，认为自己目前系天下间最幸福嘅男人，对「大眼」嚟讲，面同底都系真正大赢家，两个老窦只会对自己嘅小朋友有好处，所以最近成为城中最靓大肚婆，真系冇嘢讲！
其他文章：
關鍵字
最新回应