星8卦丨「老前辈」自制病历 扮「性上瘾」滚女不留后有原因

 讲起性上瘾，一定要讲「老前辈」。因为要报恩，佢人前人后都对「大婆」好尊重，亦因为有咗咁嘅形象，令身边媾女易过借火。

相关阅读：星8卦丨「莫名」忍足廿年决定斩缆 有钱有爱人完胜人生下半场
 
佢劲在每次见到猎物一发功就搞掂，拍首MV或者拍套戏啲女都会即晚跟佢返私窦，开心过一晚。好似搞到「才子」嘅女朋友，最叻系出门打电话嘘寒问暖，由于生性孤寒，每次嘅手信系公仔一只，偏偏呢个世界咁多女人系讲心唔讲金。

 相关阅读：星8卦丨「娇娃」同「老板」搞上「恶妻」质问摆「蠢仔」上枱自保

「才子」知道梗系嬲到死，但又唔舍得分手，后嚟娶咗女朋友返屋企至开始对付「老前辈」，一切嘅恶行就系嗰时踢爆畀全世界知 。「老前辈」晚晚有唔同女人，佢嗰阵已经周围话畀人知自己有病，仲赖「大婆」满足唔到自己，所以公然俾佢搞搞震。仲要攞埋张医生纸出嚟畀老友睇，博佢哋八卦帮忙宣扬，要原谅一个病人咁话喎，呢啲招数，从此亦成为一啲滥情嘅男人最佳藉口。
 相关阅读：星8卦丨「阿叔」照顾「大眼」够痴心 同「呆佬」一齐开心做老窦

不过讲到底「老前辈」滚得非常小心，亦冇搞大人个肚，因为唔舍得使钱， 亦唔打算留后，成日话滚得女多，如果生个女出嚟，就一定畀人滚，好彩有自知之明，但呢啲咁嘅畸型谂法，奇在仲有好多女埋身，啲女真系冇脑唔识谂！