星8卦丨「细细」为家计捱苦老窦唔同情 揭发真正身世情绪崩溃

「细细」都系苦命，成世人基于一个心念为咗头家要赚好多钱，因为每次拎钱返屋企老窦就有啲好面口，嗰餐饭亦食得开心啲。亲生阿妈好快又搵咗其他男人，掟低自己一个人，其他兄弟姊妹又唔系同一个阿妈，所以比较孤独。

相关阅读：星8卦丨「纯情」靠「才子」上位 苦忍烂滚行为一招从此收服浪子听话

「细细」捱苦捱到食唔饱瞓唔够，终于喺搵到啲钱存到些少私己就同老窦讲要去读书，点知老窦突然发烂渣，话咁多年如果唔系见佢仲有啲搵钱能力，一早就赶佢出门口，因为佢阿妈系大咗肚至跟自己，一出世就做埋亲子测试，知道同自己冇血缘，咪当佢摇钱树罗！奇就奇在「细细」竟然一啲都唔埋怨认错多年嘅老窦，反而走去搵唔负责任嘅亲生阿妈狼狼闹咗一大餐，话畀佢害咗自己一生。

相关阅读：星8卦丨「整容」送外卖送到嫁人生仔   「小明」无惧被嘲笑娶妻一家和睦

「细细」最后离开咗屋企，飞咗去热带地方读书，但人生路不熟加埋连串打击，「细细」终于崩溃，畀房东送咗入医院，冇朋友就更凄凉，如是者住咗半年，搵到几个旧同事嚟接济， 从此「细细」啲精神状态都麻麻地，尤其开亲工就古古怪怪，近嚟知道情况嘅人都唔敢搵佢。「细细」啲钱畀老窦夹走晒，如果再冇工开，经济都会出问题，所以有唔少有心人帮佢搵工作，希望有转机啦！

相关阅读：星8卦丨「娇娇」好命有继父经济支持做梅香 激死阿妈谂计要阿女重新做人