樂●活｜走進動物世界

今年嘅暑假來得有點遲、有點短，當然要把握時間做好Planning帶仔女去放電，自己亦趁機放鬆下！香港可以睇動物嘅地方唔多，想帶小朋友邊玩邊認識唔同物種嘅機會較少，今個夏天多個商場都有以「動物」為主題嘅展覽或活動，雖然算不上見到真動物，但都算係一個親親「動物」嘅好機會！

熱帶雨林佔地球總面積大約只有2%，但就係超過60%動植物種嘅家園，但係帶住小朋友比較難去到探索當中嘅神奇奧秘。即日至10月4日期間，馬鞍山MOSTown新港城中心將化身成熱帶雨林探索大本營，大家可以一齊參與「盛夏雨林探索站@MOSTown」主題活動，邊刺激探索、邊學習生物多樣性及保育知識.

場內有全港首個全方位電子「晝夜雨林體驗館」，沉浸於唯美光影及環迴聲效之中，觀賞熱帶雨林晝夜交替嘅壯觀景致，日間可以欣賞到橡膠樹、棕櫚樹等雨林喬木嘅壯麗奇觀，以及流水間上百朵雨林特色花卉同時盛開嘅景象；黃昏則可以陶醉於天色幻變，浪漫醉人嘅Magic Hour；夜間就可以喺璀璨星空下被萬千螢火蟲包圍。仲有1.8米高、世界上體型最大嘅水獺「巨獺」雕塑更會霸氣登場，帶領大家走進「雨林動物保育基地」訪尋多種瀕臨絕種嘅珍稀動物，了解佢哋嘅生態同生境。

另外，由香港大學生物科學學院專家團隊管理嘅香港生物多樣性博物館，亦會於商場內舉行「博遊生物@MOSTown」標本展，展出包8種熱帶及亞熱帶雨林嘅珍貴動物本，包括瀕危動物黃喉擬水龜、長尾虎貓、迷你爪哇鼷鹿、樹鼩等，同場仲有4種色彩亮麗嘅鳥類展出，包括藍翡翠、白胸苦惡鳥、棕背伯勞及斑文鳥，大家可以趁機仔細了解各物種嘅特徵、覓食行為、棲息環境，以及獨有嘅生存技倆等。

ifc商場就與本地紙藝設計單位Stickyline就以平面紙張為基礎，製作出熱帶雨林動物，於即日起至8月28日展出「The Wild Wonders」雨林藝術裝置。透過簡約玩味嘅「Low-poly」向量繪圖風格，結合摺疊紙藝，透過多層次摺疊及拼接，運用深淺顏色紙材，塑造出立體像真嘅動物形態，呈現與真實物種1:1比例的紙藝動物雕塑，將6種熱帶雨林動物—貘、金獅面狨、鱷魚、美洲豹、樹懶及巨嘴鳥1:1還原，當中貘、鱷魚和巨嘴鳥更有仿真動態。除咗欣賞動物紙藝外，亦可了解熱帶雨林動物的習性及趣味小知識，融入同樣以紙張構建嘅熱帶雨林中。

至於將軍澳廣場與嗚鴉自然教室合作以「動物留下的線索」為主題，由即日起至8月28日舉行「超級『無手尾』的動物鄰居！」展覽。所謂嘅「，原來這些手尾」其實係指有啲動物會喺大樹上留下啃了一半嘅葉子、有啲就會喺草堆遺下用完嘅鳥巢、有的就會四處留腳印、甚至將大便拉出來之後就逃之夭夭。但這些「手尾」對其他動物來說卻是寶貝，剩下嘅葉子係甲蟲的食糧，破爛嘅蜘蛛網就可以係雀鳥築巢時嘅好工具，被摧毀嘅雀巢就會變成地上昆蟲嘅晚餐，亦形成大自然生態系統的循環。

展場分為6大展區，包括「動物BB限定！」、「大便太厲害！」、「穿不下的衣服到處丟」、「誰的腳印？」、「四處都是吃剩的食物」及「將軍澳的『動物鄰居』」，讓大人、小朋友透過認識唔同動物留低嘅痕跡，對動物們有更多嘅了解。

另外，展覽就度身訂造了將軍澳生態探索路線，揭開藏身於將軍澳嘅「動物世界」，帶大家探訪將軍澳嘅「動物鄰居」。將軍澳廣場設計咗將軍澳動物生態地圖，將15種在周邊居住嘅動物一一列出，當你以為聽到狗吠聲，有可能係沼蛙叫；當以為看到迷你哥斯拉，有可能係遇到變色樹蜥；經過鴨仔山，發現青色嘅甲蟲，佢其實名叫松麗叩甲。仲有三斑陽鼻蟌、弧邊招潮蟹、岩鷺、星天牛及斜斑彩灰蝶等林林總總嘅「動物鄰居」，只要到赴郊外，就會發現佢哋嘅蹤跡，實行將喺商場睇展覽延伸至社區。

作者：Laurie Wu（愛保健愛旅遊愛購物的熟女）
[email protected]