樂●活｜貼心小物

每次約親朋友A見面，總會有一個「交換禮物」環節，因為每次用過覺得好或者啱對方用嘅嘢都會買畀對方。

最近收到一次見面就收到幾樣好實用嘅嘢。其中就有一樽噴鼻劑，初初以為係普通洗鼻用嘅鹽水，點知細睇文字介紹先發現原來係一氧化氮噴鼻劑。因為最近防疫措施鬆綁，出差旅遊、各式社交活動、食飯都會多咗，但都一樣要做好防禦病毒嘅準備，先可以安心地進行各種日常交流活動題。朋友送畀Laurie嘅一氧化氮噴鼻劑VirX，就係由Chemill Pharma Ltd.推出、通過臨床驗證適用於預防大流行病病毒，呢款喺加拿大SaNOtize研究所研發並取得專利，成分含一氧化氮（Nitric  Oxide），可少量輸送到用者鼻腔，可以喺2分鐘内減少上呼吸道中99.9%嘅病毒。VirX仲經驗證其抗微生物特性，可減少新型冠狀病毒，有助降低病毒量，並形成物理及化學屏障，防止病毒潛伏及擴散至肺部，咁自然就可以玩得、食得更安心。

每次出街最怕就係出門後髮型瞬間變得扁塌，劉海變得油膩。朋友話行Art Piece嘅時候就特登買咗源自瑞典天然頭髮護理品牌REF嘅海鹽水比Laurie，佢話REF海鹽水主打全自然配方，其蘊含豐富嘅礦物鹽能包覆頭髮根部，令頭髮變得蓬鬆之餘、又可以增加髮型持久度，而且無論係粗糙還是幼細嘅髮質，都能輕鬆打造時尚立體感，而且使用方法非常簡單，只需輕輕按壓少量於髮根上，再以風筒吹乾，就可以為秀髮添加豐盈感。另外REF仲有一款抗熱造型噴霧，可以專為秀髮加熱定型前做好準備，可以喺頭髮表面形成保護層，有效幫助秀髮抵抗外來嘅高熱傷害，同時提升秀髮自然亮澤度。

收到嘅禮物入面仲有一款喺照顧頭髮嘅法寶，朋友話都係喺Art Piece可以搵到、來自意大利專業美髮產品品牌Davines嘅新產品，而且仲係連奧斯卡影后Emma Stone、性感女神Sharon Stone都用嘅。講緊嘅係Davines東方美人瞬間閃亮精華，其水狀質地可在短短幾秒間滋潤頭髮，賦予頭髮光澤柔順，呵護每根髮絲達到護理效果。細看成分同介紹，透明液體質地配方蘊含保濕因子，讓水潤因子可以直達頭髮纖維，即時為頭髮提升光澤及帶來柔順效果。

另外，仲收到兩款Balmain hair couture嘅美髮產品。其中旅行裝絲滑香薰噴霧，唔單止有芬芳嘅香氣令頭髮散發清新感覺，更可賦予髮絲健康光澤。配方中蘊含摩洛哥堅果油，為頭髮帶來柔順質感，更可防止開叉，能有效修補受損頭髮等功能，同時為髮絲加上一層亮麗嘅保護膜，賦予頭髮亮麗光澤，只需要在乾髮或剛抹乾的頭髮上噴幾下，毋需沖洗，就有焗油效果。另一款就係旅行裝時尚造型噴霧，內有天然海鹽可以塑造自然質感，定型效果持久出眾，易於控制髮型，兼防止天氣潮濕而令髮型崩塌。

好嘢梗係要開心share，試過呢幾款產品之後，都已經入手咗幾支準備送畀其他好友。

 

作者：Laurie Wu（愛保健愛旅遊愛購物的熟女）

[email protected]