樂●活｜11.11的美食誘惑

11月11日唔少網店、實體店有「雙11」優惠，仲有唔少同美食相關嘅有趣事！

11月11日原來仲係Pocky & PRETZ Day，除咗可以揀Pocky經典人氣朱古力口味外，今年固力果準備咗「Pocky冬季限定版朱古力餅乾條」、「Pocky冬日限定版焦糖牛油餅乾條」及「Pocky粒粒榛子朱古力餅乾條」，以及2款百力滋人氣單品「固力果炭燒百力滋」及「固力果沙律味百力滋」，實行分享無限樂「脆」。固力果推出「Pocky Photo Fun Challenge」，由11月11日至11月31日，只需於Facebook或Instagram分享您與親朋好友共享Pocky時的相片，並於內文中加上#PockyPhotoFunChallenge及#齊齊分享無限樂脆，當中50位最令人印象深刻的參加者即有機會贏取限定「Pocky保溫杯」。

冬日限定發售嘅「Pocky冬季限定版朱古力餅乾條」，濃厚嘅朱古力與脆香的餅乾條交織，外層撒上厚厚嘅可可粉；「Pocky冬日限定版焦糖牛油餅乾條」就係香脆嘅餅乾條配以濃郁的牛油香味，與醇香甘飴的焦糖完美融合；「Pocky粒粒榛子朱古力餅乾條」，外層嘅粒粒榛子與朱古力醬完美結合，配上濃醇朱古力餅乾條，榛子果仁香氣四溢

至於「固力果炭燒百力滋」及「固力果沙律味百力滋」，使用極細嘅「微粒子小麥粉」而成，攝取膳食纖維同時，口感鬆化而不黏牙，更可吃出啖啖香脆！前者入口即充滿濃香炭燒味道，咬下去口感香脆細緻；後者的沙律味百力滋幼細鬆化，清新嘅沙律味充斥口腔，細嚼下微微嘅鹽味更令味道昇華。11月下旬更會有YM²裕民坊．Pocky「裕民FUN享玩樂聖誕」主題活動，特設多個玩味十足的趣拍區—如超巨型Pocky包裝盒及粉絲必睇的Pocky盒設計展覽，為大家帶來佳節驚喜

至於向來鍾意創新及支持本地創意產業嘅譚仔三哥米線（譚仔三哥），就與本地烘焙品牌「望月」合作，推出兩款融入譚仔三哥「香麻辛辣」精髓嘅「實小勒麻辣味蝴蝶酥」及「土匪雞翼味蝴蝶酥」，並隨期間限定嘅「譚仔三哥X望月︰雙椒相遇二人餐」送出。11月11日舉辦「11秒『酥』Time」對望挑戰活動，喺下午2至4時，喺元朗西菁街、荃灣南豐中心、筲箕灣形薈、深水埗南昌薈和大埔八號花園分店，出示含米線嘅譚仔三哥即日收據，即可參加對望遊戲，完成挑戰都可獲贈蝴蝶酥。

另外譚仔與三哥亦期間限定推出兩款人氣湯底口味薯片：譚仔「泡椒酸菜魚湯味薯片」配上三小辣為辣度參考指標，加上酸菜的濃醇甜酸，令每一口薯片都能品嚐到甜酸和香辣味道的互相中和；而三哥「鴨血水煮湯味薯片」辣度則是五小辣，配上多種香料的豐富層次，香濃辛辣。

OK便利店就新推出咗造型趣緻嘅 抹茶紅豆富士山吐司 及咸香惹味的 咸蛋雞肉鬆古焙包。前者以日本富士山造型為設計藍本，神還原造型感滿分，加上吐司口感鬆軟、香綿，全新口味「抹茶紅豆」，以綿密香甜嘅紅豆配上淡淡抹茶清香，入口軟綿綿，既可以直接享用，更可配上自己喜歡嘅果醬。至於早前一出爆紅嘅Koppepan古焙包系列亦帶來另一番新滋味—咸蛋雞肉鬆古焙包，鬆軟麵包充滿日本懷舊特色及純樸美味，配搭咸香惹味的滿滿濃厚餡料，啖啖充滿豐富口感的肉鬆，幸福感爆升。即日至11月30日期間，用抹茶紅豆富士山吐司影相打卡並上載至Instagram及標記@circlek_hk，當中會選出最能表現日本色彩又美味吸引的相片，將可獲得$1000 Mastercard 禮品卡一張，共3個名額，一起發揮創意。

作者：Laurie Wu（愛保健愛旅遊愛購物的熟女）
[email protected]