印傭指控年長男僱主性騷擾 庭上播放錄音有男子稱「搵個好嘅工人姐姐同我結婚生個仔」

印傭指控前年受僱於年長獨居男僱主期間遭對方性騷擾，由平機會代表入稟區域法院，指控男僱主違反《性別歧視條例》，索償逾18.3萬元。案件今日開審，庭上播放一男一女錄音對話，女子操不純正廣東話指「下次唔可以咁講，我有老公呀」，男子回應「有好多有老公都可以㗎」，女子拒絕，男子反駁「驚咩啫，我又冇掂到你，你唔肯咪算囉。我冇仔嘛，想搵個人幫我，搵個好嘅工人姐姐同我結婚生個仔」。

答辯人坦承曾讚申索人「好香」

申索人為印傭Sri Wahyuni，今由謝大律師代表；答辯人為林銳生，今天沒有律師代表，親自行事。林銳生出庭作供，盤問下否認Sri Wahyuni履新後數天，即2022年2月18至20日自己多次在對方洗澡後嗅其身體或頭髮，自稱「唔會攞人哋便宜」，批評謝大律師天馬行空。然而林銳生坦承曾稱讚對方「好香」，惟當時2人相隔4呎遠，住所面積大約200多呎，Sri Wahyuni洗澡完畢出來後「成間屋都香」、「洗髮水味好濃」，於是隨意「覺得有香味就講香味」。

否認與呈堂錄音有關要求避席

謝大律師打算播放Sri Wahyuni和林銳生同月21日對話錄音，林銳生隨即指錄音與自己無關，多番要求避席，謝大律師指出林銳生曾簽署法援署文件，承認錄音中男聲屬其本人，林銳生解釋當時因為時間緊迫下沒有深思熟慮「冇經大腦」才簽署文件。

錄音中男聲稱「有好多有老公都肯…我喜歡你」

庭上播放錄音，當中女聲操不純正廣東話稱「下次唔可以咁樣呀」，男聲指「我點知呀，我而家單身呀嘛，我唔問你又點知你肯唔肯啫」，女聲指「下次唔可以咁講，我有老公呀」，男聲回應「有好多有老公都可以㗎，有啲肯、有好多人肯㗎，有好多人離婚㗎嘛⋯⋯好多人都有老公㗎啦，好多人都會同第二個男人有感情㗎⋯⋯我喜歡你」。

答辯人自稱「正人君子」

女聲再回應指「咁樣我唔開心呀先生，以前姐姐都係咁㗎？」男聲回答「佢肯嘅，之前姐姐佢未結婚嘅，佢23歲」。女聲再表示「我唔要，我好驚呀」，男聲反駁「驚咩啫，我又冇掂到你，你唔肯咪算囉。我冇仔嘛，想搵個人幫我，搵個好嘅工人姐姐同我結婚生個仔。你拒絕咪算囉，又唔係殺人放火，好多人結婚都會離婚嘅。我唔會貪人小便宜，來到單對單就摸下你攬下你呢啲小人，我係正人君子」。

稱無印象曾提議與申索人結婚生子

林銳生一直指無法認出男女聲誰屬，謝大律師盤問下問到林銳生曾否邀請Sri Wahyuni性交，林銳生激動斥責謝大律師「希望你有啲專業操守，唔可以收人錢就生安白造」。謝大律師再問林銳生曾否提議2人交往、結婚生子，林銳生回應指「冇印象」。謝大律師又問林銳生曾否要求Sri Wahyuni工作配合其性需要，被告反駁指謝大律師天馬行空「捏造出來，人格人性有問題」。

否認以按摩為暗示性要求 答辯人稱女方引人犯罪

謝大律師根據證人陳述書，提到林銳生以按摩為名，向Sri Wahyuni 暗示性要求，林銳生反駁當時2人身處狹小廚房，Sri Wahyuni仍走前兩步令2人距離甚近，林銳生認為Sri Wahyuni引人犯罪，遂後退2步，問到「你識唔識按摩」來切入，然而供稱對方索價2000元，林銳生認為作價過高。林銳生分享自己上網站可挑選數十名中外美女，到荃灣「600蚊咩服務都有㗎喇」，「中女」按摩費用300元，加100元便可「搞龍出來」即手淫，若加300元便可性交。

錄音片段男聲稱「就係想同你做愛呀嘛」

庭上再播放兩男女錄音，謝大律師認為當中林銳生明示暗示要求性服務，林銳生反駁「我要性生活好容易，落荃灣有幾十個」。錄音中女子指「畀我錢我唔要呀先生，先生做咩呀？」男子回應「使唔使講到明啫，幾十歲人都諗到做咩啦」。女子多次稱「唔知呀先生講咩呀」，要求男子向公司接洽，男子反指「喺度做愛囉，呢啲點同你公司講啫」。接續播放翌月3日錄音，男子再次指「想同你搞呀嘛，就係想同你做愛呀嘛，唔畀就唔好來啦⋯⋯谷鬼氣，咁錫身就唔好來做啦」，其後又指「你咁驚喺度喊喺度哭」，女子回應指「唔可以鹹濕呀」。

案件明午續。

案件編號：DCEO4/2023

法庭記者：陳子豪