印佣指控年长男雇主性骚扰 庭上播放录音有男子称「搵个好嘅工人姐姐同我结婚生个仔」

印佣指控前年受雇于年长独居男雇主期间遭对方性骚扰，由平机会代表入禀区域法院，指控男雇主违反《性别歧视条例》，索偿逾18.3万元。案件今日开审，庭上播放一男一女录音对话，女子操不纯正广东话指「下次唔可以咁讲，我有老公呀」，男子回应「有好多有老公都可以㗎」，女子拒绝，男子反驳「惊咩啫，我又冇掂到你，你唔肯咪算罗。我冇仔嘛，想搵个人帮我，搵个好嘅工人姐姐同我结婚生个仔」。

答辩人坦承曾赞申索人「好香」

申索人为印佣Sri Wahyuni，今由谢大律师代表；答辩人为林锐生，今天没有律师代表，亲自行事。林锐生出庭作供，盘问下否认Sri Wahyuni履新后数天，即2022年2月18至20日自己多次在对方洗澡后嗅其身体或头发，自称「唔会攞人哋便宜」，批评谢大律师天马行空。然而林锐生坦承曾称赞对方「好香」，惟当时2人相隔4尺远，住所面积大约200多尺，Sri Wahyuni洗澡完毕出来后「成间屋都香」、「洗发水味好浓」，于是随意「觉得有香味就讲香味」。

否认与呈堂录音有关要求避席

谢大律师打算播放Sri Wahyuni和林锐生同月21日对话录音，林锐生随即指录音与自己无关，多番要求避席，谢大律师指出林锐生曾签署法援署文件，承认录音中男声属其本人，林锐生解释当时因为时间紧迫下没有深思熟虑「冇经大脑」才签署文件。

录音中男声称「有好多有老公都肯…我喜欢你」

庭上播放录音，当中女声操不纯正广东话称「下次唔可以咁样呀」，男声指「我点知呀，我而家单身呀嘛，我唔问你又点知你肯唔肯啫」，女声指「下次唔可以咁讲，我有老公呀」，男声回应「有好多有老公都可以㗎，有啲肯、有好多人肯㗎，有好多人离婚㗎嘛⋯⋯好多人都有老公㗎啦，好多人都会同第二个男人有感情㗎⋯⋯我喜欢你」。

答辩人自称「正人君子」

女声再回应指「咁样我唔开心呀先生，以前姐姐都系咁㗎？」男声回答「佢肯嘅，之前姐姐佢未结婚嘅，佢23岁」。女声再表示「我唔要，我好惊呀」，男声反驳「惊咩啫，我又冇掂到你，你唔肯咪算罗。我冇仔嘛，想搵个人帮我，搵个好嘅工人姐姐同我结婚生个仔。你拒绝咪算罗，又唔系杀人放火，好多人结婚都会离婚嘅。我唔会贪人小便宜，来到单对单就摸下你揽下你呢啲小人，我系正人君子」。

称无印象曾提议与申索人结婚生子

林锐生一直指无法认出男女声谁属，谢大律师盘问下问到林锐生曾否邀请Sri Wahyuni性交，林锐生激动斥责谢大律师「希望你有啲专业操守，唔可以收人钱就生安白造」。谢大律师再问林锐生曾否提议2人交往、结婚生子，林锐生回应指「冇印象」。谢大律师又问林锐生曾否要求Sri Wahyuni工作配合其性需要，被告反驳指谢大律师天马行空「捏造出来，人格人性有问题」。

否认以按摩为暗示性要求 答辩人称女方引人犯罪

谢大律师根据证人陈述书，提到林锐生以按摩为名，向Sri Wahyuni 暗示性要求，林锐生反驳当时2人身处狭小厨房，Sri Wahyuni仍走前两步令2人距离甚近，林锐生认为Sri Wahyuni引人犯罪，遂后退2步，问到「你识唔识按摩」来切入，然而供称对方索价2000元，林锐生认为作价过高。林锐生分享自己上网站可挑选数十名中外美女，到荃湾「600蚊咩服务都有㗎喇」，「中女」按摩费用300元，加100元便可「搞龙出来」即手淫，若加300元便可性交。

录音片段男声称「就系想同你做爱呀嘛」

庭上再播放两男女录音，谢大律师认为当中林锐生明示暗示要求性服务，林锐生反驳「我要性生活好容易，落荃湾有几十个」。录音中女子指「畀我钱我唔要呀先生，先生做咩呀？」男子回应「使唔使讲到明啫，几十岁人都谂到做咩啦」。女子多次称「唔知呀先生讲咩呀」，要求男子向公司接洽，男子反指「喺度做爱罗，呢啲点同你公司讲啫」。接续播放翌月3日录音，男子再次指「想同你搞呀嘛，就系想同你做爱呀嘛，唔畀就唔好来啦⋯⋯谷鬼气，咁锡身就唔好来做啦」，其后又指「你咁惊喺度喊喺度哭」，女子回应指「唔可以咸湿呀」。

案件明午续。

案件编号：DCEO4/2023

法庭记者：陈子豪