置業必讀！何時要簽睇樓紙？朋友代簽可避責？專家教留意一細節 避免要畀兩次佣
2025-01-26 06:00 
相信不少有睇樓經驗的人都會有印象，在經地產代理睇樓前往往需要簽署一份俗稱「睇樓紙」的文件，最近有網民在社交平台Threads分享，他早年買樓前睇樓試過幾次都沒有被要求簽「睇樓紙」；又試過簽完該份文件後，代理反而不太願意幫忙向業主議價，認為簽睇樓紙會損害買家權益，有其他網民建議最好找朋友代簽，可以避責，到底是不是呢？中原訓練學院院長郭昶接受《星島頭條》訪問，解答當中細節及爭議。他指「睇樓紙」除了保障代理的權益，同時文件會列明代理的責任、睇樓紙有效期限、佣金金額等資料，故準買家亦應留意當中的條文細則，避免中伏。
網民質疑簽了「睇樓紙」代理不積極議價
該名樓主分享，試過委託一間代理行的年輕代理幫忙尋找將軍澳中心樓盤，「睇過幾次樓都無要求簽睇樓紙。」雖然最終沒有達成交易，但該名代理積極為樓主爭取好價錢。反而另一位大型代理行的代理要求他簽睇樓紙，文件有效期為6個月，就沒有為他向業主議價，「我發覺有啲代理，簽咗睇樓紙之後，佢係好大支嘢唔會幫你同業主傾價。」
其他網民留言，「只可以講睇你好唔好彩」。不過，有人則不太認同樓主的結論，認為代理可能是地產初哥自以為業主堅持該口價，而非與睇樓紙有關。更有網民教路，「下次學精啲，叫你朋友或親人代簽」。
睇樓前簽最正確
睇樓紙正式名稱是「地產代理協議」，無論買樓或是租樓，一般是在睇樓前，由代理要求睇樓的客人簽署，主要會列出當日會參觀的單位。中原訓練學院院長郭昶分享，睇樓當日，代理會先問客人有沒有看過樓盤或同屋苑的單位，要先核對清楚，如果客人曾委託其他代理看過相同單位，就會勸喻客人不要再看此單位，因為一旦將來購入此單位，有需要付兩次佣金。所指的佣金，即是如成功購入單位，佣金通常是樓價買賣雙方的1%。至於租樓，則會收取半個月至一個月租金作為佣金。
對於有網民表示曾有好幾次都試過睇樓不用簽睇樓紙，但有時就要簽，郭昶指，「法例規定要簽，但我認知市面上一半代理都唔使客簽，一半代理就睇完先簽，全部都係違規。有啲地產代理就因為懶，要讀晒個份文件條款兩版紙都要好耐時間」。而很多代理都在確認樓宇買賣前才要求準買家補簽這份文件，其實已算是行業歪風。他指，「大家都抱住僥倖心態，唔捉到就冇事。」不過，一旦地產代理被地監局發現違規，所屬代理行有機會需每單需罸款3,000元以上，最高罸款額可累積達30萬元，另外，如準買家堅持不簽睇樓紙，郭昶指代理有權不繼續睇樓活動，以保障自己權益。
有效期不要多於3個月
因此，該文件具有法律效力，用以釐清客戶與地產代理的權責，更主要的是保障地產代理及其所屬代理公司權益，避免租客或買家使用代理服務後跳過代理，直接與業主商洽，逃避支付佣金的責任。郭昶稱，如果代理最終沒有要求客人簽睇樓紙，而客人委託其他代理或者直接找業主進行買賣，地產代理則不得透過任何法律途徑追討佣金，因此建議代理保障自己，最好安排在睇樓前就簽署這份文件。
地監局則建議，睇樓紙有效時間不超過3個月，即在睇樓後3個月內買入該單位，就要向代理支付佣金。郭昶指，有睇樓紙的有效期是列明「直至另行通知」等字眼，就要小心，最好在簽紙時就要求代理列明確實時間，保障自己，否則有機會被追討兩份佣金。
至於能否由朋友或親友代簽署睇樓紙？一般而言，客人的朋友就有機會視為代理人，客人亦需要支付代理佣金，但郭昶坦言在法律途徑上的確較難追討，但是親屬關係就較易追討，因此由客人的配偶、親人去買入單位，同樣不能逃避支付佣金。
最新回應