乐●活｜港人参与设计 以LEGO重现星夜

无论系咪LEGO嘅Fans，相信对近年打字机、地球仪等都一定有印象，佢哋都系属于LEGO Idea系列。LEGO Idea系一个收集全球粉丝创造力嘅平台，畀LEGO爱好者可以上传自己嘅作品，并由其他Fans投票，如果喺特定期间获得超过1万票，就会由乐高评鉴小组审核，并有可能成为乐高商店贩售嘅产品，嚟紧6月1日开卖嘅LEGO 21333 The Starry Night就系由一名香港Fans设计。

LEGO 21333 The Starry Night 系由25岁嘅香港LEGO 迷、梵高崇拜者Truman Cheng设计，是香港首位通过LEGO Ideas上获得超过1万票支持其作品。Truman 希望藉着梵高最著名嘅作品之一，与LEGO迷及艺术爱好者分享由2D杰出画作变成3D的The Starry Night。

今次嘅作品系LEGO和纽约现代艺术博物馆(MoMA)以名画作The Starry Night 作为合作嘅第一步，将这被誉为梵高其中一幅最有代表性的画作，以2,316块颗粒重新演绎，向后印象派画家梵高致敬。

色调忠于原画作呈蓝绿色，并以颗粒捕捉标志性的急速流动笔触及用色，拼砌出这幅1,889年诞生的名画作。弯曲连结的长綫条及粗短有力的短綫将窗外村庄的景象勾勒出来，完美复刻繁星点点嘅星夜、令人着迷嘅皎月、柏树、南法小镇恬静村落，漩涡似嘅星空彷佛在流动一般，熠熠生辉璀璨无比。

不仅如此，喺星夜嘅旁边，仲有连出来嘅画架，上面摆着迷你版星夜，梵高LEGO迷你人偶双手拿画笔和调色盘，彷佛展现出任何人都可以成为星夜嘅主角，喺不同角度欣赏专属于自己嘅星夜画作。

作者：Laurie Wu（爱保健爱旅游爱购物的熟女）

 

[email protected]