【独家】出道一年冇钱赚阿妈救济 细猫搵定工帮补使费

2018年参加ViuTV《全民造星》并打入十强的细猫（应智越），去年在韩国庆熙大学后现代音乐系毕业后，回港自组工作室正式出道。一年多时间已经推出5首歌，当中亦有份参与创作，不过细猫依然觉得作品未够多，希望可以All In一切闯乐坛！   撰文：何蔓琪    摄影：梁志明   场地：Premium Party

细猫目前专注擅长嘅跳唱，「上年比较似唱作人，今年想有返固定风格，最好每3、4个月就有新作品，等大家都记得细猫嘅跳唱快歌！」

疫情下出道影响比想像中大，细猫亦要屋企人帮手维持生活，「以前我喺内地做练习生有食宿资助，读书时期亦唔需要用到屋企人嘅钱。返到香港出道，疫情一波接一波，安排好嘅工作完全Cut晒，开始要靠积蓄同家人帮手。冇谂过影响系咁大，只可以硬住头皮上。」细猫又坦言出道后冇赚钱机会：「呢一年完全冇收入，就算有少少，都拎去做歌或者投资喺公司。上年过咗跳舞群组之后情况好咗，但我怕疫情又爆，都想搵定工帮补使费。」

主修音乐的他，最想可找到相关工作，不过前提要隐藏歌手身份。细猫入行前曾有大量打工经验，例如便利店店员同帮手修理水电煤，连照顾特殊儿童都试过，「最理想系搵到有关音乐嘅工，不过其他兼职，写字楼工作嗰啲我都上到手。」

作为《造星》十强，最后却因为合约问题未能加入MIRROR，眼见兄弟相继走红，细猫表示冇得后悔：「做每件事都会影响往后嘅路，如果冇同内地公司签约，我可能冇得玩《偶像练习生》，甚至《造星》𠻹！而家可以做自己想做嘅音乐，好满足，回想起都好珍惜呢个机会。」他又指MIRROR成员中跟Jeremy（李骏杰）最熟：「大家比赛嗰阵都系Team A，性格同钟意嘅音乐风格又相似，好想佢快啲有自己成绩。」近日Jeremy自资出Solo歌《梦言》，就是与细猫共同作曲。

另外，ViuTV出身的细猫开设工作室后都有亮相TVB，问到怕唔怕俾人话食两家茶礼？细猫直言珍惜所有曝光机会：「当然愈多机会愈好，但其实好难取舍。我冇同电视台签约，而你永远唔会知机会系点嚟，花姐（ViuTV监制兼MIRROR经理人）都系《劲歌金曲》PA出身啦！ViuTV搞咗三届《造星》，好多囝囝囡囡，感恩佢哋都仲有搵我，期待有更多合作。我只系Small Potato，唔想畀人感觉大牌，所有工作机会都欢迎，好珍惜㗎！」