星8卦丨「阿俊」被力捧成为财神爷衰烂赌遭封杀死不悔改

娱乐圈系咪真系诱惑多，所以特别容易染上不良嗜好？但「阿俊」就绝对同入唔入行无关，佢系天生锺意乜都赌一餐 。不过佢因为靓仔又几唱得，有啲才华，系出道唔使几个月，由唱片公司用啲好方法将佢短时间内捧上神位，真系近年嘅奇迹。

相关阅读：星8卦丨「人妻」离婚为复出铺路 信错经理人爆错料有排衰

搵到钱就梗系放肆啲，本嚟锺意乜都赌嘅「阿俊」更加有筹码，开头公司唔知咁多，又见佢系金蛋搵极都有，而佢又特别要求快啲出粮，所以破例成为全公司最快过数嘅艺人。但咁就出事啦，有钱就直情唔见人，几日几夜咁同啲筹码死过，有时甚至会失场，吓到台前幕后要食惊风散。

如是者公司终于知道佢啲坏习惯，高层出面劝左一次又一次，但佢都无表现悔意同知错，仲话啲钱系我搵，关你鬼事咩。高层激到话你再系咁我即刻雪你，等你无得番身。点知「阿俊」未惊过，坦白话呢几年自己系公司赚最多嗰个，封我等于断左公司条财路，量你都唔敢。高层果然言出必行，即刻九秒九落封杀令，因为捧得起你，亦可以捧另一个。所以半年过左「阿俊」都系无声无气，好似人间蒸发，咁佢有无修心养性？梗系无啦，依家多咗时间，玩得更尽情添！

 

其他文章：

星8卦丨「专业」花心乱媾仔 追唔掂「少爷」搞鬼自取其辱

星8卦丨「姐姐」难忘初恋借钱助度难关 难得老公明理作支持

星8卦丨「男主角」唔锺意出街 赖老婆妻管严扮无奈小男人

星8卦丨「才女」最爱人夫 遇「激进」大打出手吓到「大哥」「才子」避走

星8卦丨男人爱后生女帮忙传宗接代 导演一二号弃糟糠一齐做老豆

星8卦丨「高妹」扮锺意女人呃「小姐」好食好住唔舍得分手

星8卦丨「公子」搵名媛姐仔过桥呃父母 被踢爆唔做戏直接出柜