星8卦丨「莫名」忍足廿年决定斩缆 有钱有爱人完胜人生下半场

虽然嫁入豪门，好似相安无事过咗十几年，但「莫名」始终系好想过返自己嘅生活，所以啲仔女够大嘅时候，同老爷申请要离开屋企。

相关阅读：星8卦丨「娇娃」同「老板」搞上「恶妻」质问摆「蠢仔」上枱自保

老爷一向知道「莫名」都系一个好新抱，可惜系自己个仔唔争气，滚都算，仲有不良嗜好，「莫名」一直忍咗咁多年，佢都冇谂过真系要离开自己屋企门口，所以即刻出招要阿仔道歉或者主动消失。但坏咗嘅男人又点会珍惜自己头家，于是老爷落order要佢即刻离开屋企，而且净身出户，完全唔畀机会佢翻身。

相关阅读：星8卦丨「阿叔」照顾「大眼」够痴心 同「呆佬」一齐开心做老窦

「莫名」见老爷咁决绝，初时都有啲为难，不过基于咁多年都有个青梅竹马等紧自己，惟有同老爷坦白，唔系要做啲乜，但想两个细路跟自己生活，亦唔会再婚，总之已经受够呢个屋企嘅低气压。老爷心知肚明，剩系吩咐佢好好照顾自己嘅血脉，然后畀咗一大笔钱「莫名」叫佢好好哋收埋，因为咁多年冇工作，始终系要有钱傍身至有胆同唔畀人虾。

相关阅读：星8卦丨「痴情」媾女上瘾阿妈出招拣 识做新抱一家和睦

同埋「莫名」将自己准备过下半世嘅红颜知己介绍埋畀老爷认识，老人家即刻放心晒，就算两个人真系要做夫妻，香港都冇呢个法例，只系叫佢哋爱还爱，唔好畀人乱咁写，顾住自己之前嘅身份。「莫名」所以越嚟越开心，系人生下半场为所欲为，有钱有爱，做个大赢家。