樂●活｜追月賞月好地方（港島篇）

下星期六就係中秋節正日，唔少場地、商場都準備好以中秋為主題嘅活動和布置，一於一連兩日同大家分享下啦！

●灣仔星街小區：與台灣插畫品牌emmaAparty聯乘於即日起至9月12日合作，帶來Star．Moon．Bunny兔月星辰中秋藝術裝置。人氣兔子「肉包」帶大家穿梭發光圓月與星星吊飾之中，更有為星街小區量身訂造嘅獨家角色「星兔」陪大家賞月。3大裝置分別係懷內輕摟明亮星星嘅「星兔」倚坐在巨型發光滿月旁嘅「平靜如月」（太古廣場三座外，永豐街）；唯美嘅步道有多彩發光嘅LED圓球及閃閃發亮嘅星星吊飾，並有「指天兔」和「望月兔」在旁嘅「別看我，千萬要抬頭」（太古廣場三座外，永豐街），以及位於太古廣場三座外（星街）  嘅「閒聊碎念」 ，就有「鬼臉兔」和「不想上班兔」（右）以慵懶嘅姿勢坐着，等着同大家打卡。

活動舉行期間更有「星願購物賞」活動，大家送上Matchali x esca手工茶道素月餅，而於傍晚6時後憑合資格消費更可享額外$50星街小區購物禮券。大家更可於星街小區Instagram專頁參加中秋節燈謎比賽，挑戰解謎，贏取「肉包」精美紀念品。

●中環街市：恆香聯乘中環街市舉辦燈影之城 The City of Moon，盼推廣文化保育，弘揚唐餅文化嘅願景，活現節日文化色彩。活動由即日起至9月30日舉行，期間中環街市地下Oasis會成為綵燈會主舞台，帶來4大必影必玩打卡位，包括設計概念源自恆香百年品牌及象徵著生命力嘅百年大樹作設計藍本，由逾200個燈籠組成5米高嘅「燈籠許願樹」、6組散發浪漫氛圍嘅「光影月兔」及「恆香月餅椅」裝飾布置、採用數十年珍藏價值的恆香月餅模具及本地插畫師融合元朗街景設計「恆香元聚市集小屋」及微型手工藝與小城故事積木展區、以及2樓「中環食街」及場內的香港樓景打卡牆等。

現場更會發售恆香今年打造的全新產品 - 酥小月系列及與恆香x輕鬆小熊推出嘅一系列產品，包括奶黃麻糬酥皮月餅、迷你蛋黃白蓮蓉月餅以及杏仁餅禮盒，並由增設了熱酥餅櫃發售包含老婆餅、皮蛋酥及蛋黃酥等。凡購買任何月餅滿$300，即賞【傳統風琴紙燈籠】；凡購買任何月餅滿$500，即賞【恆香月餅陶瓷碟　或　老婆餅陶瓷碟】；凡購買任何月餅滿$800，即賞【唐餅保溫瓶】。「恆香元聚市集小屋」內更設有慈善展銷，有由懷智殘疾學員創作嘅中秋手工藝品。

●PMQ 元創方：由即日至9月12日期間會舉行「方圓百里 點聚元創方」，場內會點亮逾 300盞設計感十足嘅紙藝燈籠。兩款幾何立體感十足的紙藝燈籠由本地創意設計團隊 Stickyline操刀創作唔，實行以月餅造型寄寓人月團圓，並以街市紅燈罩造型致意香港情。、活動期間，PMQ 建築樓層裡昔日嘅半露天住家走廊，亦由駐場設計單位精心打造，化身成不同創意主題的賞燈包廂；PMQ 內嘅餐飲食肆和部分商戶也延長時間；更有期間限定市集進駐。

●展城館：於9月10日及11日舉行「燈籠工作坊」，讓市民大眾參照不同年代或類型嘅公屋在燈籠上繪畫圖案，並親手製作具個人特色嘅燈籠，不但可作為親子活動，亦可藉此認識香港公共屋邨獨特文化和歷史，以及屋邨的地方營造。導師會指導參加者以公屋獨特外形為燈籠設計添上圖案，並講解製作燈籠的步驟及竅門，並同時介紹香港公共屋邨獨特的文化和歷史，以及屋邨街坊在各小社區內發揮合力布置嘅力量，如在中秋於天井高掛燈籠的傳統，展現地方營造的概念，共同美化公共空間。

作者：Laurie Wu（愛保健愛旅遊愛購物的熟女）
[email protected]