樂●活｜假日藝文遊

好多時講起文化、藝術，第一時間都會話「唔識」，但其實喺生活上不時都會接觸到，只係我哋未必察覺到。

好似「MM7」、「世一」、「紅都面哂」呢啲港式網絡潮語，由本身唔識唔明，但係睇得多聽得多，喺不知不覺間自己都會用。語言以外，從街道上見到嘅霓虹燈、橫街窄巷、貼喺燈柱上嘅手寫通渠廣告、到時尚封面插圖，都係一種非主流文化藝術力量。K11 Art Mall即日起至9月18日帶來Carnaby Fair 藝廊策劃嘅 SUB(X)TURE：「搞場大龍鳳」文化節，活動有多個集時尚及文化於一身嘅創意品牌，更有6大來自不同界別嘅本地創作者碰撞交流，打造8大打卡場景，包括渠王x DaddyBoy帶來嘅大型10米闊戶外玻璃寫英文「塗鴉」、McCafé x Ernest Chang　嘅港式漫畫風超現實外太空主題流動小販車、Lalamove直送「渠王」開工「架生」場景、DaddyBoy嘅Cyberpunk科幻色彩VR遊戲空間及DaddyBoy　x　馬爹利名仕干邑（Martell Noblige）沉浸式文字藝術打卡裝置、陳珮彰 x 「友」廣東話潮語霓虹燈裝置、林祥焜玩轉港產電影打卡位及SIUKINS 神還原經典百年老字號食府「蛇王芬」場景，大家可以感受一場港產文化大雜燴。

至於利園區就邀請了日本新晉藝術家松原光跨洋越海來到香港，打造「Happy, Be! 快樂笑臉藝術企劃」，並率先於希慎廣場帶來松原光首個海外獨家藝術裝置。由即日起至8月24日，「Happy, Be! 快樂笑臉藝術企劃」將會率先在希慎廣場中庭打造絢爛多彩嘅玻璃木屋「Happy, Be! 微笑花舍」以及一系列打卡裝置，其中玻璃夏日木屋嘅玻璃上印滿由松原光為裝置獨家設計的插畫，一個個經典笑臉結合各種快樂型態和夏日元素，更與本地花店Greenland花滿庭合作，挑選各式斑斕花材粉飾花舍，溫馨舒懷最啱打卡

花舍內特設「Happy, Be! X 松原光期間限定店」，販售超過40款松原光為是次藝術企劃獨家設計，糅合香港元素嘅藝術作品，松源光更挑選了一系列港式最愛街頭美食，將佢嘅笑臉魔法，刻畫在各家品及衣物。同時店內亦設有「Happy, Be! X 松原光限定藝術畫廊」，展出松原光為港人挑選的珍藏笑臉藝術畫作，每幅作品均掛上不同笑容，輕鬆散發十倍正能量。

康怡廣場、康蘭居就有一個由本地女雕塑家、「藝術有嘉」創辦人楊嘉美與荷蘭駐港澳總領事館共同合作設置嘅藝術裝置，宣揚海洋和水資源保育，推廣多元文化交流。 其中嘅作品《愛的綻放》靈感來自荷蘭先進嘅水資源管理和可持續城市發展理念，May以木材雕塑出荷蘭具標誌性的鬱金香、船屋和海浪，象徵荷蘭應對水位上漲挑戰所作出的努力和城市嘅韌性，並在作品中加入香港常見的嘅金裳鳳蝶作呼應，寄予香港能與荷蘭一樣，共同打造平衡人與生態嘅宜居城市。

是次活動更邀請不同年青和具經驗的藝術家一起發揮創意，以香港海岸線為主題舉行攝影展，並由香港知專設計學院學生策劃，與雕塑互相輝映，實現一個「共創」、「共建」的多元文化交流空間。主辦單位舉辦多場以再生物料為材的摺紙藝術工作坊，讓來自香港荷蘭商會、附近居民、和富社會企業、賽馬會鯉魚門創意館會員及香港基層兒童及青少年一同參與。

作者：Laurie Wu（愛保健愛旅遊愛購物的熟女）
[email protected]