樂●活｜儲印花換限量家電餐具

每次超市、便利店或者唔同品牌有儲印花或者買滿指定金額嘅換領或換購限量產品活動，身邊總有人會話有印花記得留畀佢，或者換到某一款記得交換。最近又有多款新嘢玩，大家準備好未？

其中惠康超市就同美國品牌康寧鍋推出新一輪「笑印」活動，喺8月26日至11月24日期間凡購物每滿$60即可獲得笑印一個，集齊指定數量的笑印或yuu會員積分即可免費獨家換領或換購限量小家電及餐具。

今次活動獨家換購嘅康寧鍋7款產品，當中包括兩款鍋身於法國製造嘅雙耳鍋（3.25及2公升）、章魚燒機、三文治窩夫機、10.5吋及7.5吋圓碟套裝、8.5吋圓碟兩件裝及湯碗兩件裝。其中兩款3.25公升及2公升的雙耳鍋更是限量推出，有興趣就記得趁早儲夠笑印或yuu積分以換領或換購。康寧鍋以超耐用的Pyroceram材質打造而成，雙耳鍋不但傳熱快，同時耐高溫和抗污漬耐用易清潔，雙耳手柄加上透明玻璃蓋極為方便，烹煮後更可原煲上枱，仲適用於微波爐、焗爐、雪櫃及洗碗機，絕對係一煲多用之選。

至於如果係迪士尼鐵粉的話，就要留意7-Eleven推出迪士尼、彼思、Marvel 及 Star Wars一套8款拉麵碗套裝，一口氣召集23位超人氣角色，當中包括米奇和米妮、唐老鴨、小熊維尼、鋼牙與大鼻、巴斯光年、三眼仔、鐵甲奇俠、蜘蛛俠、達斯維達 (黑武士) 等，化身一套8款拉麵碗套裝系列。由23位極具人氣的迪士尼、彼思、Marvel及Star Wars角色組成一套8款「拉麵碗套裝」系列，碗身容量十足約620ml，由陶瓷打造，耐受溫度0-100°C。全套「拉麵碗套裝」包括有實用性碗蓋及筷子各，碗蓋更可一物兩用當碟使用，即可用來盛載拉麵嘅配菜，亦可因碗蓋設有間隔，用來擺放汁醬和調味料，而蓋上的小半圓提手位有各個角色圖案作小彩蛋，細緻可愛。套裝更配有筷子，約19cm長，均適合大人及小朋友使用，每款筷子都配有不同角色嘅標誌性圖案，並更可放置於碗蓋上嘅凹位，設計別具心思。

 另外仲有天然木製托盤及醬油碟+匙羹，可配襯成一人前拉麵碗套裝。「天然木製托盤」以橡膠木為材料，質地堅硬有手感，更分別刻有4款唐老鴨、小熊維尼、三眼仔及蜘蛛俠，以不規則的造型配以天然木紋紋理，令每個托盤都獨一無二。8款陶瓷製的「醬油碟+匙羹」上，均分別印有8組角色，完美襯托「拉麵碗套裝」的造型設計。

8月31日早上7時起至10月11日，於7-Eleven分店購物滿$20即可享印花1張，儲齊12張印花加$84，即可隨機換購「拉麵碗套裝」2套；或儲齊8張印花加$48，即可隨機換購「拉麵碗套裝」 1套；yuu會員可以8,800 yuu積分加$10隨機換購「拉麵碗套裝」1套。另外7-Eleven破天荒首次推出自選款式供yuu會員訂購，於8月31日正午12時開始，以88,000 yuu積分自選4款「拉麵碗套裝」，限量200個名額。

最近麒麟一番搾推出全新一輯廣告，靈感來自日本文化常見一詞「一期一會」，當中嘅「一期」係指人生，而「一會」則係指一次嘅相會，寓意人嘅一生每次相遇都是僅此一次的，所以要珍惜。就如麒麟啤酒研發出獨有嘅「一番搾製法」，以100%麥芽及只萃取第一道麥汁釀造出麒麟一番搾啤酒，入口即品嚐到細緻淳和的麥芽甘甜及平衡嘅槐花味，將材料嘅美味亳無保留地呈現出來。而麒麟一番搾啤酒之中嘅「一番」喺日文中是「最好」、「第一」嘅意思，以「一番一會 · 盡享這瞬間」為主題創作出全新廣告，寓意生活中每次和每種相遇都是美好而獨特的，每一個瞬間都值得大家盡情珍惜及享受，今次廣告就搵咗商台DJ黃正宜（阿正）及演員岑珈其，聯同本地樂隊組合ToNick分享各人對「一番一會」嘅體會。

麒麟一番搾啤酒為大家營造和風美景，特別推出以日本富士山搭配牽牛花為設計嘅限量禮品，方便大家用以盛載佐酒美食，配上麥味香濃嘅麒麟一番搾啤。新推出嘅富士山設計主題禮品「麒麟一番搾 · 和風小食碟連竹盤」，設計圖案呈現高聳入雲嘅富士山，融合色彩柔和嘅和風青海波紋，點綴着優雅絢麗嘅牽牛花圖案，兩隻小食碟更配以精緻的和風竹製托盤。由即日至9月14日期間，凡於OK便利店購買任何麒麟啤酒產品滿$45或以上，加$19即可換購「麒麟一番搾 · 和風小食碟連竹盤」，換完即止。

順帶一提，日本直送嘅奧樂蜜C維他命碳酸飲品嘅代言人陳海寧（Isabella）會喺聽日（8 月27日）登上「奧樂蜜C元気配送小巴」喺尖沙嘴The One商場正門對開空地，舉行「奧樂蜜C每日隊成軍試飲會」，兼免費派發超過1,000支奧樂蜜C，。

由奧樂蜜C標誌性嘅紅黃兩色為設計主色嘅奧樂蜜C元気配送小巴印有品牌全新卡通人物—奧樂蜜Ｃ每日隊，隊員們分別代表飲品含有的不同營養成份，包括：代表維他命Ｃ嘅C檸仔、代表維他命B2、B3及B6嘅元気B、代表蜂蜜成分嘅奧樂蜜蜂以及象徵品牌係日本製造嘅達摩子。奧樂蜜C元気配送小巴除咗會喺聽日泊喺The One正門對開空地至晚上８時派發奧樂蜜C，星期日（8月28日）就會會移師至中環碼頭繼續派發奧樂蜜C。只需讚好奧樂蜜C香港官方Facebook或追蹤官方Instagram專頁，即可免費獲贈一支奧樂蜜Ｃ。

作者：Laurie Wu（愛保健愛旅遊愛購物的熟女）
[email protected]