施永青受訪大談經濟政治 金句連發「唱淡係會多人睇啲」、「香港同遺址差好遠」

中原集團創辦人施永青早前指本港樓市已調整兩年，有機會今年出現轉機。作為地產界代表，坊間普遍認為施永青是唱好派別，不過他最近接受新一代的Youtube Channel「Hebeface」訪問，解釋自己在投資上「睇淡咗好耐」。除此之外，他又在節目中大談經濟，民生和政治，更金句連發。除了指「唱淡係會多人睇啲」，又指香港與「國際金融中心遺址」仍差好遠。

沒有大陽春 只有小陽春

施永青在周三（20日）團拜活動表示，2023年香港樓價跌幅已收窄至7%，隨著市場好轉，料今年樓市將企穩，又認為本港租金持續上升，反應本港樓市仍存在供不應求情況，有機會出現「租轉買」，同時租金上漲可帶動樓市向上回升，認為是好現象。

坊間認為施永青作為地產界，屬於唱好派別，他不太認同，「坊間話我代表睇好，唱好地產，唔係咁嘅情況…如果係投資學術界圈子，我都睇淡咗好耐，而且唔係睇得模凌兩可個種。」他指唱淡的確會較多人看。

提到有地產代理指今年樓市會出現大陽春，施永青就糾正沒有大陽春的說法，「呢個世界冇大陽春，大陽春係嗰啲人唔識先創作出嚟，呢個名詞以前冇，只有小陽春冇大陽春」，直言樓市過去一段時間升得太高，「升過龍」出現調整，若問到以後（經濟）會差下去，他說不能夠單單基於有些店鋪倒閉了就作出評價。

香港情況變差 但與「遺址」差好遠

他認為疫後香港經濟已經恢復，只是沒有人們預期般好。對於港府推行「夜繽紛」谷市道，施永青相信只為本港GDP帶來微增長，但可以搞旺社會及市場氣氛。商鋪方面，尖沙咀吉舖已沒有很多，但銅鑼灣或旺角得益沒太多，與廣東道相比的確較為遜色。

說到近期的國際金融中心遺址論，施永青指香港現時差了，但與遺址仍差好遠。「如果香港金融業做得唔好，政府發展金融政策上定得唔恰當，金融業發展就會受到局限，國際金融中心地位不復，咁樣先會變遺址。」

他笑言有些人借他把口唱衰香港，「有一批人心理唔平衡，簡單講就係香港回歸中國，佢仲懷念英國殖民主義。中國而家係共產黨領導，佢唔鍾意，但係又搵唔到更好地方去」，並指香港已是全球最宜居的城市之一。

主張袋住先

說到2019年社會運動，他指反對派企錯位，失誤的地方是不知道誰在主導香港，「目標達唔到 ，反而累埋其他香港人。」主持人問他是否其中之一，他說「當然被累啦，一國兩制第一個版本係對香港最有利嘅版本…香港自主大好多，北京干預程度少好多。」現在一國兩制的新版本沒有以前的活動空間那麼大，不得不承認中央在一定程度上收緊了很多，「我主張袋住先，呢個名詞基本上由我講起」。

過去被視為中國大好友的摩根士丹利前亞洲區主席羅奇（Stephen Roach），早前發表香港玩完論（Hong Kong is over）。施永青在另一Youtube channel 「Finance 730」的訪問節目中表示，「香港不會玩完，但一定變得難玩」，又認為羅奇於此時發佈此言論，過度將責任推在23條立法上。

---

【上車驗樓，星島搵專家幫你手！如果你有新盤驗樓、裝修分享，請即Email：[email protected] 】

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ