當差36年凡事親力親為 蕭澤頤深信天地有正氣

警務處處長蕭澤頤經常「落區」，到不同「環頭」出席活動，去年10月屯門山景邨3名保安員遭黑社會分子毆打，警方在區內採取反罪惡行動，他便親自到場聽取下屬匯報，這種凡事親力親為的態度，除了向三合會發揮震懾作用，亦成為他成功破案的關鍵，包括1996年偵破開山刀集團連環打劫便利店案，他首次披露當時以二敵五的破案經過，驚險萬分，但亦印證他的信念：天地有正氣，邪不能勝正。
96年以2敵5破開山刀連環劫案

談到加入警隊36年，蕭澤頤分享了一宗1996年發生的案件，他當時在旺角警區擔任特遣隊主管，時任高級督察，港九新界先後發生約20宗連環便利店打劫，據閉路電視片段顯示，每次都有4至5人犯案，他們均手持開山刀，故相信是同一班人所為，而單是旺角便發生2至3宗同類案件。

「我嘅做事手法係親力親為，自己會親自詢問便利店職員，睇吓佢哋係咪有進一步資料提供。」蕭表示，各警區當時於夜間部署行動，守株待兔，看匪徒會否出現。而事發當日，他原定於下午4時負責帶一隊同事當更，準備於晚上7時「埋位」。「我當日下午2點返到辦公室，同一名警署警長睇定啲位，確保可以看到便利店的位置」。

至當日下午3時，二人準備返回警署之際，「行行吓發現一名便利店職員，我同佢傾過偈，咁啱得咁橋，佢認得我，突然間同我講，阿Sir，嗰班賊就喺對面茶餐廳坐咗喺度」。

蕭澤頤說：「我當時心諗，唔係真係咁橋吓嘩！」為了不打草驚蛇，他對警署警長表示，匪徒一旦走出來便先進行截停搜查。說時遲，那時快，「嗰4、5個賊人突然行出嚟，於是我哋就推晒佢哋去舊樓嘅樓梯，集中在一處，防止佢哋在街上四散，幸而特遣隊同事亦及時趕至，將他們一網成擒，並檢獲利刀，當晚所有同事毋須再採取行動，便利店職員及市民亦可以安心下來」。
工作感言：人生因奮鬥而無憾

他又說：「我好相信捉賊呢樣嘢，係7分努力3分運，當你肯努力去做，啲運氣都會埋嚟，個賊就會喺你面前出現，我哋儆惡懲奸，真係要擺多啲心機落去。」

去年獲警隊延任兩年的蕭澤頤，以兩句說話來形容他的警隊生涯，就是「工作因拼搏而精彩，人生因奮鬥而無憾」，他指警務工作極具挑戰性，範疇亦相當廣泛，工作意義好大，「係好辛苦，但如果冇辛苦，不費吹灰之力，係唔會有咁大滿足感」。