樂●活｜烘焙「味」力

唔少人都會選擇麵包作為早餐或者下午茶嘅零食，貪其方便飽肚，而且營養豐富。近年多咗人會喺屋企自己由搓麵糰開始，自己烘焙出香噴噴又新鮮熱辣嘅麵包，當然亦有唔少人會鍾意幫襯烘焙麵包店，貪其款式多，又有邊慳時間。

A1 Bakery最近頻頻有新搞作，之前為大家介紹過品牌成為全港首間引入全自動收款機嘅日式烘焙店，於旗下的A-1 Bakery、La creation、Atelier Gute，Das Gute和天然工房門市加入全自動收款機和Bakery Scanner，充分利用AI全自動拍攝功能，以多角度地辨識各項產品，以便店員和顧客更精準地識別產品。同時，全自動收款機所提供的自動收款和找續功能可減省購物時間，並在疫情下，付款過程中更能減少與產品嘅接觸，以確保個人及環境衞生。

順帶分享一下A1新鮮滾熱辣新推出嘅兩款丹麥酥，分別係充滿咸香嘅火腿芝士丹麥酥，以及油滑細膩嘅椰絲菠蘿丹麥酥，每一口均滿載港式「原味」，鬆脆可口、層次分明。除咗可以Walk in 喺門市買之外，仲可以喺網店先訂購經典丹麥酥套餐再到門店取貨，咁就唔使擔心白行一趟，而且仲有9折優惠。

另外，聽日（9月7日）去A1門市購買指定貨品都可享7折優惠，而今個月嘅優惠就係歐陸雜果法包，優惠只限1天，記得拍把握優惠！

 

另一連鎖店simplylife嘅九龍塘又一城店以全新面貌登場，呈現simplylife首個「獨立烘焙店」概念，並取名為「WE MAKE BREAD」，簡單而直率地道出品牌特色和對烘焙嘅熱誠。呼應品牌自2007年開始堅持於店內烘焙，全部用上日本或法國麵粉，不以半製成品加工，由混和麵糰開始所有工序皆於店內進行，歷時長達3天。第一天會先將雞蛋、水及酵母混和揉成麵糰，加入牛油並放入凍櫃以極低溫冷藏，再摺疊 32 層；第二天從凍櫃取出，放回常溫稍息造形，再放回凍櫃以極低溫冷藏過夜；到最後一天發酵完成後，便加入新鮮材料焗製及裝飾。整個製作過程步驟仔細繁複，確保所有麵包層次分明、口感酥脆綿軟。

 

WE MAKE BREAD內洋溢陣陣麵包香氣，配合玻璃展示櫃內琳瑯滿目的麵包及一系列色彩繽紛的烘烤產品，以色、香、味迎接大家。WE MAKE BREAD亦為早晨食客提供多一個輕量選擇，每朝 8 時開始，以各式新鮮出爐的歐陸麵包，可配一杯即磨意式咖啡，展開充實的一天。新店除了有新的裝潢設計，亦可找到烘焙新品包括無花果焦糖丹麥酥，及分店限定系列多樂球作為周年慶驚喜。

作者：Laurie Wu（愛保健愛旅遊愛購物的熟女）

[email protected]