樂●活｜點止好飲咁簡單！

呢排發現多個飲品品牌都有新搞作，除咗推出新口味飲品之外，更舉行多元化嘅活動，實現與民同樂。

好似阿華田就正舉行「阿華田尋味之旅」，邀請大家由即日起至 9 月 30 日到訪香港大街小巷發掘阿華田美食，並可以透過WhatsApp報料，將自己心水推介嘅阿華田隱世美食收錄於「阿華田尋味地圖」內，又或者可以發揮個人創意創作自家製阿華田食譜，活動會嚴選「十大阿華田美食」及「十大阿華田食譜」，參加者有機會獲得酒店自助晚餐禮券。（按此）

最近推出咗氣泡桃橙茶嘅維他，就有即日至8月28日喺葵芳新都會廣場打造首個維他檸檬茶(VLT)主題Pop-up「VLT 有氣夠爽Bubbleland」。場內設有4米高VLT夾公仔機及巨型幻彩泡泡樹，其中「澀得起」夾公仔機內放滿了巨型VLT咕????、夏日沙灘球、迷你積木、型格吊飾及激爽冰模，而只需輕輕篤穿幻彩泡泡樹噴出嘅氣泡，瞬間放出煙霧，充滿驚喜，啱晒打卡。另外，場內仲有Sparkling桃橙爆燈大力神鎚及Sparkling激爽爆檸彈彈波兩個大型遊戲裝置，將廣告中嘅Sparkling大挑戰搬到現場，挑戰力量和眼界，只要打出指定分數，即可贏取禮品。

日本大塚製藥旗下7大產品品牌，寶礦力水特、ion water (寶礦力水特電解質水)、奧樂蜜C維他命碳酸飲品、娥羅納英H軟膏、UL‧OS男士健膚系列、賢者の食卓、SOYJOY大豆果滋棒就由即日起至9月4日喺於K11 Art Mall地下中庭舉行「大塚製藥100周年期間限定店」。場內會有以品牌產品特色為主題嘅攤位，大家除咗可以打卡及了解各產品嘅特色外，更有機會獲得限量禮品。另外，喺活動期間購買寶礦力水特或ion water產品滿$30或以上，即可憑收據加指定金額，於場內換購共9款的寶礦力水特40周年限量版精品，其中「揮灑汗水系列」嘅３款限量精品只限K11 Art Mall換購。

順帶一提，好立克新推出咗好立克高鈣健骨麥芽奶粉 (女士配方) ，內含獨有鈣質以及豐富維他命D及K和磷，係專為女士而設嘅骨質補充飲品，而且採用低糖配方與香滑麥芽帶焦糖口味，為追求健康體態嘅女士帶來新選擇。新產品以大麥及小麥調製，入口即嚐到香濃幼滑焦糖口味嘅麥芽飲品，更有助強化骨骼。

作者：Laurie Wu（愛保健愛旅遊愛購物的熟女）
[email protected]