吕丽君晋环最后一伙挞订货 低3年前15%沽出

华置前主席刘銮雄前女友吕丽君（现名吕姵霖），于2021年一掷约1.4亿买入黄竹坑站上盖项目晋环4伙，已全部挞订离场，市场昨日承接最后一伙挞订户。成交纪录显示，1B座42楼A室，面积919方尺，以3,000万售出，尺价32644元，单位较2021年以3,536.4万的售出价，低约15%。

尺价32644元

吕氏4伙挞订单位先后获承接，昨日售出最后一伙，换言之4伙均全数沽清，成交价介乎2,780万至3,000万；尺价30,250至32,644元，共涉额逾1.1518亿。

 连扫晋环 大刘形容「猪头炳」

「大刘」去年11月记者会上曾指吕丽君大手入市晋环豪宅是蠢的行为，因为首期仅付10%，另外又付15%税予政府，预期难以完成交易，更形容是「猪头炳」。

 重温大刘记者会：

大刘上周开记者会，句句剑指吕丽君。

大刘记者会吸引多间媒体采访。

现场有工作人员派口罩。

全部记者均戴上口罩。

1. 谈恒大许家印：「我从来冇嬲佢，我系嬲我自己，因为我老婆同佢家姐讲过不下200次，叫我卖啦卖啦，我话我卖先佢一定X街，快得过佢应该要X街。」

2. 谈有人拿民事传票给他：「我见坏人都见唔少，但咁X贱咁X坏嘅人，都系第一次见。」此时有记者问：「坏过凯婷？」大刘显得有点一头无绪：「吓？坏过咩？咩凯婷？」记者解释是潮语，意指好坏嘅女仔，大刘说：「我唔知，真系唔识呢啲嘢，我呢啲又老又out，而家识喇，但我都唔知咩意思。」

3. 谈「贱人」变坏之前有否劝吁对方：「梗系有，但系有用咩？唉……我净系讲佢全家都系纳米型、纳米型嘅贼仔，全家。」

4. 谈会否分身家给「某啲贱人」：「贱人梗系唔会啦！你呢个问题都有少少问题啦！我长命一万岁都冇机会啦！佢实破产㗎！贪到死，乜嘢都要借。」

5. 谈对方蚀得最多投资：「佢以前同我讲伦敦买咗啲物业返嚟，全部都系作出嚟！我而家够话美国白宫都系我负责起㗎，任我吹，你信唔信吖？我而家想呃你啊，靓女，你想住伦敦白金汉宫，定华盛顿嘅白宫？你信唔信吖？我谂全世界1万个有钱佬都买唔到呢两栋物业。佢讲大话唔使眨眼，出口成诗㗎！」

6. 谈子女知否母亲所作所为：「I really don't know！我真系唔知，佢好识洗脑㗎……一支牙膏、一张单都claim3次，呢句说话我作出嚟嘅话，我绝子绝孙，七个仔女养唔大啊！」

7. 谈最近一个月有否改遗嘱：「佢唔止牙膏claim三次，喺超级市场地下啲单，佢都执嚟claim，你估我唔知咩？……佢最擅长系点呢？买咗个名牌袋之后，平价卖返出街。我记得40几年前去夜总会，啲舞女最锺意搵老衬。5千蚊买日本时装，我就收返4千蚊现金，时装铺就剩袋1千，40年前好兴呢啲嘢㗎。」

8. 谈对方子女已长大会否独自生活：「你问得真系好，我真系想拥抱你，唔系想非礼你啊。」

9. 谈有人投资失利：「买埋啲Accumulator，I'll kill you later！」

10. 谈有人去新加坡招摇撞骗：「我够可以喺电视同拜登合照、P图话佢企喺我隔篱啦！以前台湾有套电影叫《养鸭人家》，你知唔知鸭同鹅分别，鸭只系做女人生意，鹅就男又做女又做。呢啲系佢嘅私生活佢嘅事，唔关我事。」

 

乐翠台每尺2.2万易手

豪宅持续获承接，跑马地云地利台一个高层4房单位，最新以4900万成交，原业主持货约39年转售，帐面获利4640万，期内单位升值约18倍。

中原分行高级分区营业经理李颖伦表示，云地利台C座高层6室，面积1863方尺，4房1套间隔，单位原本开价5500万放售，最终累积减价600万或约10.9%，获用家以4900万承接，尺价26302元。

据悉，原业主于1985年以260万买入单位，持货约39年转售，帐面大赚4640万，单位期内升值约18倍。

市场消息透露，跑马地乐翠台A座中层4室，面积1147方尺，新近以2600万易手，尺价约22668元。资料显示，原业主于2001年以692万买入，是次转售帐面获利约1908万。

相关文章：

吕丽君4伙晋环全数挞订 料被杀订1,400万 3个单位已先后大平卖售出

---

【上车验楼，星岛搵专家帮你手！如果你有新盘验楼、装修分享，请即Email：[email protected] 】

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ