卖楼之前要回想 买楼是如何艰辛｜汤文亮

有年轻朋友打算将已经住了10年的单位卖走，理由是在高息环境下供楼比较辛苦，卖走之后租楼住，所得到现金可以做定存帮补租楼，由于不需要供楼，生活就比较轻松，所以年轻朋友问我意见。

我话没有意见，如果有需要，例如要移民，或者长期供唔起楼，就必须要卖楼，否则，就要回想当日买楼的时候是几咁辛苦，当时唔系有朋友借钱，父母签担保，根本买唔到楼。

今日卖楼的确可以改善生活质素，但以后要再买楼就唔系咁容易，就算睇啱个市，楼价下跌，父母已经冇能力签担保，朋友亦不会借钱俾佢买楼，有可能要一直租楼住，很难再买楼。

唔好只睇眼前利益

年轻朋友可能唔知道，10年前一般人的手头现金都比较松动，朋友有需要或者都会帮手，现在即使有心都无力。同样情况，10年前不但利息低，而且银行有大量资金，按揭贷款比较容易，但今日就唔同，不少人落了订都做唔到按揭，如果那些人是在10年前申请就冇问题。

今日卖了楼的人要有心理准备永远都买唔返，所以，打算卖楼的人唔好睇眼前利益，或者预测楼价继续下跌。

而是回想当日买楼是几咁困难，离了婚再结婚的人百分比不高，但仍然高于卖了楼可以再买返楼。

汤文亮 
纪惠集团副主席及行政总裁